ساناق باستالادى دەگەن اقپارات تاراعاننان بەرى الاياقتاردان ساقتانۋ ماسەلەسى دە كوتەرىلدى.
بۇل سۇراققا بۇگىن الماتى قالاسى وڭىرلىك كوممۋنيكاسيالار قىزمەتىنىڭ الاڭىندا وتكەن ونلاين باسپا ءسوز ءماسليحاتىندا ق ر ستراتەگيالىق جوسپارلاۋ جانە رەفورمالار اگەنتتىگى ۇلتتىق ستاتيستيكا بيۋروسىنىڭ الماتى قالاسى بويىنشا دەپارتامەنتىنىڭ باسشىسى ايدار ابىلدابەكوۆ جاۋاپ بەردى، دەپ حابارلايدى Almaty-akshamy.kz ءتىلشىسى.
ساناققا قاتىستى ماسەلەلەردى ءتۇسىندىرۋ ماقساتىندا بۇگىن «الماتىداعى حالىق ساناعىنىڭ نەگىزگى كەزەڭىنىڭ بارىسى تۋرالى» ونلاين باسپاسوز-كونفەرەنسياسى ءوتتى.
«ينتەرۆيۋەردىڭ ەڭ باستى بەلگىسى – ساناقشى كۋالىگى، ونىڭ جوعارعى جاعىندا كۋالىكتىڭ ءنومىرى جازىلعان، سول ءنومىردى sanaq.gov سايتىنا ەنگىزۋ ارقىلى ۇيىڭىزگە كەلگەن ساناقشىنىڭ رەسمي وكىل ەكەندىگىنە كوز جەتكىزە الاسىزدار»، -دەدى ايدار ابىلدابەكوۆ.
سپيكەردىڭ ايتۋىنشا، ساناقشىنىڭ كوك ءتۇستى پورتفەلىندە 2021 جىل دەپ جازىلعان، ال شارفىندا 2020 جىل دەگەن جازۋى بار، ويتكەنى ساناق وتكەن جىلعا جوسپارلانعان، سول سەبەپتى شارفتار بىلتىر جاساپ شىعارىلعان.
«سونداي-اق ساناقشىنىڭ قولىندا ونىڭ ەڭ باستى قۇرالى – رەسپوندەنتتەردى تىركەيتىن پلانشەتى بولادى»، - دەدى ۇلتتىق ستاتيستيكا بيۋروسىنىڭ الماتى قالاسى بويىنشا دەپارتامەنتىنىڭ باسشىسى.