قۇراما شتاتتار مەديسينالىق دايىندىقتى باستاپ تا كەتتى
اقش-تىڭ ۆيسكونسين شتاتىندا ۇلتتىق ۇلان اسكەريلەرى ارنايى مەديسينالىق دايىندىقتان ءوتىپ جاتىر، دەپ حابارلايدى Almaty-akshamy.kz
بۇعان ايماقتا مەديسينا قىزمەتكەرلەرى مەن اۋرۋحانالارداعى ورىن تاپشىلىعى سەبەپ.
جەرگىلىكتى بيلىكتىڭ حابارلاۋىنشا، وتكەن اپتادا 50 سارباز قارتتار مەن ۇيدە ەمدەلىپ جاتقان ناۋقاستارعا بارعان دارىگەرلەرگە كومەكتەسكەن. ءقازىر تاعى 80-گە جۋىق اسكەري ارنايى دايىندىقتان وتۋدە.
ايتا كەتەيىك، ايماقتا ءبىر اپتادا كوروناۆيرۋس جۇقتىرعانداردىڭ سانى 10-مىڭعا جۋىقتادى. ناشار حالدە جاتقانداردىڭ دا سانى ارتقان.
«دەنساۋلىق ساقتاۋ سالاسىنا ۇلكەن اۋىرتپاشىلىق ءتۇستى. بىلىكتى مامان مەن بوس ورىن تاپشىلىعى پايدا بولدى. ءقازىر اۋرۋحانالار 95 پايىزعا تولدى»، - دەدى ۆيسكونسين شتاتى دەنساۋلىق ساقتاۋ دەپارتامەنتىنىڭ حاتشىسى كارەن تيمبەرلەيك.