بۇل تۋرالى «ازاماتتارعا ارنالعان ۇكىمەت» مك الماتى قالاسى بويىنشا وكىلى جاڭىل اپەتوۆا ايتتى.
بۇگىننەن باستاپ الماتىنىڭ مامانداندىرىلعان حقو-لار جۇمىس ىستەي باستادى، دەپ حابارلايدى Almaty-akshamy.kz
ونىڭ ايتۋىنشا، اۆتوحقو-لاردىڭ جۇمىس كەستەسى – ساعات 9.00-دەن 18.00-گە دەيىن، دۇيسەنبى-جۇما ارالىعىندا بولادى.
«سونىمەن قاتار، حقو-لارداعى قۇجاتتاندىرۋ سەكتورلارى مەن ميگراسيالىق حقو ءبولىمى دە قايتا ىسكە قوسىلدى. مەملەكەتتىك قىزمەتتەردىڭ 80%-دان استامىن ونلاين الۋعا، سونداي-اق اۆتوكولىكتى Kaspi جانە Halyk Homebank بانك قوسىمشالارى ارقىلى قايتا رەسىمدەۋگە بولاتىنىن ەسكە سالامىز»، - دەدى جاڭىل اپەتوۆا.
ول اۆتوحقو-لاردا كەزەك تۋدىرماۋ ءۇشىن وسى سەرۆيستەردى پايدالانۋعا كەڭەس بەردى. مامانداندىرىلعان حقو عيماراتىنا كىرۋ Ashyq قوسىمشاسى ارقىلى جۇزەگە اسىرىلادى.
ەپيدەميولوگيالىق جاعدايعا بايلانىستى كليەنتتەر سانيتارلىق قاۋىپسىزدىك ەرەجەلەرىن ساقتاۋى، ياعني الەۋمەتتىك قاشىقتىقتى ساقتاپ، بەتپەردە تاعۋى كەرەك.