الماتىداعى سايران كولىندە جەرگىلىكتى فاۋنا قالپىنا كەلە باستادى. 1971 جىلدان بەرى الماتىدا العاش رەت الماتى اكىمى ەربولات دوسايەۆتىڭ تاپسىرماسىمەن سايران كولى تازارتىلدى.
بۇل جۇمىس بىلتىر تۇرعىنداردىڭ تۇنبا مەن قامىستىڭ شىرىگەن يىسىنە شاعىمنىڭ كوبەيۋىنە بايلانىستى جۇرگىزىلدى. كولدىڭ تۇبىنەن جانە جاعاسىنان 140 مىڭ تەكشە مەتردەن استام قوقىس پەن لاي شىعارىلدى، دەپ حابارلايدى Almaty-akshamy.kz.
سايران قالا تۇرعىندارىنىڭ دەمالىساتىن جانە سەرۋەندەيتىن سۇيىكتى ورنىنا اينالدى. الماتىلىقتار كولدە بالىقتى كوردى، ال جاعالاۋدا بالىق اۋلاپ تۇرعان اققۇتاندى بايقادى.
فوتوگراف دميتريي دوسەنكو اققۇتاننىڭ كوكباس بالىعىن اۋلاپ تۇرعانىن سۋرەتكە ءتۇسىرىپ الدى.
«بۇل ءبىزدىڭ الاتاۋدىڭ ەندەميك بالىعى. سوندىقتان مەندە وتە قۇندى سۋرەت ءتۇسىردىم! ويلاپ قاراڭىزشى، 2024 جىلى ەكى ميلليون تۇرعىنى بار مەگاپوليستىڭ قاق ورتاسىندا ەندەميك ناعىز جابايى تابيعاتتى كورە الاسىز! بۇل عاجاپ نارسە، ونى قورعاۋ كەرەك»، - دەدى الماتىلىق فوتوگراف ءوزىنىڭ Instagram پاراقشاسىندا.
ايتا كەتەيىك، بيىل الماتى اكىمدىگى اۋەجاي كولى مەن قاراسۋ كولىن تازارتۋدى جوسپارلاپ وتىر.
Instagram پاراقشاسى: https://www.instagram.com/p/C3xjoh5Ilt9/؟igsh=MTRxZHJiYnV3M3ptNg==