بۇل تۋرالى «اشىق» نقا پورتالىندا جاريالانعان اقپارات جانە قوعامدىق دامۋ ءمينيسترىنىڭ ءتيىستى بۇيرىعىندا كورسەتىلگەن.
قۇجاتتا جازىلعانداي، اقپاراتقا قول جەتكىزۋ ماسەلەلەرى جونىندەگى كوميسسيا وسى باعىتتاعى قوعامدىق مۇددەلەردى ەسكەرۋ جانە قورعاۋ، سونداي-اق اقپاراتتى پايدالانۋشىلاردىڭ قاجەتتىلىكتەرىن قاناعاتتاندىرۋ ماقساتىندا قۇرىلادى. ول ۋاكىلەتتى ورگان جانىنداعى كونسۋلتاتيۆتiك-كەڭەسشi ورگان قىزمەتىن اتقارادى، دەپ حابارلايدى Almaty-akshamy.kz قازاقپاراتقا سىلتەمە جاساپ.
«كوميسسيا ءوز قىزمەتiندە ق ر كونستيتۋسياسىن جانە زاڭدارىن، ق ر پرەزيدەنتiنiڭ جانە ق ر ۇكiمەتiنiڭ اكتىلەرىن، وزگە دە نورماتيۆتiك قۇقىقتىق اكتىلەردى، سونداي-اق وسى سايكەس رەجەنى باسشىلىققا الادى»، - دەلىنگەن قۇجاتتا.
كوميسسيانىڭ نەگىزگى مىندەتتەرىنە مىنالار كىرەدى:
- اقپاراتقا قول جەتكىزۋ ماسەلەلەرىن انىقتاۋ، تالداۋ؛
- اقپاراتقا قول جەتكىزۋ سالاسىنداعى زاڭنامانى جەتىلدىرۋ؛
- اقپاراتتى اشىق تۇردە ورنالاستىرۋ ارقىلى ارتىق قۇجات اينالىمىن ازايتۋ ماسەلەلەرىن انىقتاۋ، تالداۋ؛
- اقپارات يەلەنۋشىلەردىڭ اقپاراتتىق اشىقتىقتى قامتاماسىز ەتۋى بويىنشا ۇسىنىستار ازىرلەۋ.
كونسۋلتاتيۆتiك-كەڭەسشi ورگاننىڭ قۇرامىنا سەناتى پەن ءماجىلىس دەپۋتاتتارى، مەملەكەتتىك ورگانداردىڭ، ۇكىمەتتىك ەمەس جانە باسقا دا ۇيىمداردىڭ وكىلدەرى، سونداي-اق اقپاراتقا قول جەتكىزۋ سالاسىندا عىلىمي جانە ساراپتامالىق ءبىلىمى بار تۇلعالار ەنەدى. كوميسسيانىڭ كەمىندە توعىز مۇشەسى بولۋى ءتيىس.
بۇيرىقتى اشىق تالقىلاۋ 1 ناۋرىزعا دەيىن جالعاسادى.