قازاقستاندا بانك قىزمەتكەرلەرى بوگدە تۇلعالارعا نەسيە راسىمدەپ، كليەنتتەردىڭ شوتتارىنان اقشا العان.
LS جازۋىنشا، 2022 جىلى بانك جۇيەسىنىڭ سەگىز قىزمەتكەرى قىلمىستىق جاۋاپكەرشىلىككە تارتىلعان. ال 2021 جىلى ءۇش ۇقساس جاعداي ورىن العان، دەپ حابارلايدى Almaty-akshamy.kz
جاسالعان قىلمىستاردىڭ نەگىزگى ۇلەسى الاياقتىققا (قك-نىڭ 190-بابى)، سەنىپ تاپسىرىلعان مۇلىكتى قىزمەتتىك جاعدايىن پايدالانا وتىرىپ ۇرلاۋعا (قك-نىڭ 189-بابى) جانە بانكتەردەگى وكىلەتتىكتەردى تەرىس پايدالانۋعا (قك-نىڭ 250-بابى) تيەسىلى. بۇل رەتتە قىلمىس جاساعان تۇلعالار 188-باپ «ۇرلىق» بويىنشا جاۋاپقا تارتىلعان جوق.
«ۇرلاۋدىڭ نەگىزگى تاسىلدەرى – اففيلييرلەنگەن كومپانيالارعا قارىز بەرۋ، بوگدە تۇلعالارعا نەسيە بەرۋ، بانك ءۇشىن زالالدى شارتتار بويىنشا نەسيە بەرۋ، جالعان شىعىس-كاسسالىق وردەرلەرى بار كليەنتتەردىڭ شوتتارىنان اقشا قاراجاتىن الۋ»، - دەپ جازىلعان حابارلاماسىندا.
باس پروكۋراتۋرادا بۇل قىلمىستار الماتى، اقتوبە، اتىراۋ، شقو، جامبىل، بقو، قىزىلوردا جانە پاۆلودار وبلىستارىندا جاسالعانىن اتاپ ءوتتى. الايدا كەلتىرىلگەن زالال تۋرالى اقپارات جوق.
سونىمەن قاتار، ىشكى ىستەر ورگاندارىندا ءۇش قىلمىس تىركەلگەنىن حابارلادى. ونىڭ ىشىندە قك-نىڭ 189-بابى بويىنشا ستەپنوگورسك پەن قوستاناي وبلىسىنداعى تورعاي جانە قارابالىق كەنتتەرىندە تىركەلگەن.