قازاقستاندا مەدبيكەلەر مەن تاربيەشىلەر تاپشى

بارلىق دەرلىك وبلىستاردا مەدبيكەلەر تاپشىلىعى بايقالادى.

ەڭبەك سالاسىنداعى ماماندار قازاقستاندا قانداي ماماندار تاپشى ەكەنىن ايتىپ وتىر. ولاردىڭ سوزىنە جۇگىنسەك، جۇمىس بەرۋشىلەر اراسىندا مەدبيكەلەر مەن تاربيەشىلەرگە دەگەن سۇرانىس وتە جوعارى، دەپ حابارلايدى Almaty-akshamy.kz ەڭبەكمينىنە سىلتەمە جاساپ.

الدىڭعى كەزەڭدەردەگىدەي، ەەب-دا بىلىكتى قىزمەتكەرلەر اراسىندا كۇزەتشىلەردىڭ (1452 بوس ورىنعا قارسى 703 تۇيىندەمە)، مەدبيكەلەر/مەيىرگەرلەردىڭ (811 تۇيىندەمە جانە 1554 بوس ورىن)، تاربيەشىلەردىڭ (705 تۇيىندەمە جانە 1441 بوس ورىن) تاپشىلىعى بايقالدى.

سونىمەن قاتار زاڭگەرلەر، الەۋمەتتىك قىزمەتكەرلەر، دەنە شىنىقتىرۋ مۇعالىمدەرى اراسىندا ارتىقشىلىق بايقالادى.

«تاپشى كادرلار بويىنشا وڭىرلىك تەڭگەرىمسىزدىكتى دە اتاپ وتۋگە بولادى. ماسەلەن، كۇزەتشىلەردىڭ ەڭ كوپ جەتىسپەۋشىلىگى الماتى جانە نۇر-سۇلتان قالالارىندا بايقالدى، ال ماڭعىستاۋ وبلىسىندا، كەرىسىنشە، كوپ. وڭىرلەر بويىنشا ءبولۋدىڭ ۇقساس جاعدايى ورتا مەديسينالىق پەرسونال، سونداي-اق تاربيەشىلەر ءۇشىن دە قالىپتاسۋدا. الايدا تۇركىستان وبلىسى مەن شىمكەنتتە مەدبيكەلەر/مەيىرگەرلەردىڭ سانى ارتىپ، بارلىق دەرلىك وبلىستاردا مەدبيكەلەر تاپشىلىعى بايقالادى»، – دەدى الەكساندرا مولچانوۆسكايا.