اقوردا باسپا ءسوز قىزمەتى قازاقستان حالقىنا جولداۋ بارىسىندا پرەزيدەنت قاسىم-جومارت توقايەۆتىڭ قازاقستاندىق ايەلدەرگە قاتىستى ايتقان ءسوزىنىڭ ءمانىن كەڭىنەن ءتۇسىندىردى، دەپ حابارلايدى اqshamnews.kz.
باسپا ءسوز قىزمەتى اتاپ وتكەندەي، جولداۋ اياسىندا مەملەكەت باسشىسى كوپتەگەن ماڭىزدى ماسەلەلەردى قوزعادى.
"اسىرەسە مەملەكەتتىلىكتىڭ ىرگەلى نەگىزى رەتىندە "زاڭ جانە ءتارتىپ" قاعيداتىن ساقتاۋعا ەرەكشە نازار اۋدارىلدى"، – دەلىنگەن حابارلامادا.
پرەزيدەنت جولداۋدا "وكىنىشكە قاراي، قوعامدىق ءتارتىپتى بۇزۋشىلار اراسىندا ايەلدەر دە بار" دەپ ايتقان ەدى. بۇگىن اقوردا وسى سوزگە تۇسىنىكتەمە بەردى.
ولاردىڭ مالىمەتىنشە، بۇل ءسوزدىڭ نەگىزگى ءمانى مۇلدە باسقاشا.
"بۇل كىنا تاعۋ ەمەس، كەز كەلگەن ادامعا، جىنىسىنا، جاسىنا نەمەسە تەگىنە قاراماستان، قوعامىمىزعا سىيلاستىق مادەنيەتىن قايتارۋعا، دورەكىلىك پەن اگرەسسيادان باس تارتۋعا شاقىرۋ. كوشە، كەزەك، تەمىرجول، ۇشاق جانە باسقا دا ورىنداردا بىر-بىرىنە قۇرمەتسىزدىك كورسەتكەن جاعدايلارعا كۋا بولامىز، ءبىراق ولار ءبىزدىڭ مەنتاليتەتتىڭ بولىگىنە اينالماۋعا ءتيىس"، – دەدى اقوردا.