الماتىداعى "شىمبۇلاق" تاۋ-شاڭعى كۋرورتىندا اسپالى جولدىڭ ىستەن شىعۋىنا بايلانىستى ادامدار كابينا ىشىندە قالىپ قويدى، دەپ حابارلايدى Aqshamnews.kz ءتىلشىسى تجم باسپا ءسوز قىزمەتىنە سىلتەمە جاساپ.
مينيسترلىكتىڭ مالىمەتىنشە، تەڭىز دەڭگەيىنەن 3200 مەتر بيىكتىكتە ورنالاسقان "كومبي-2" اسپالى جولى اياق استى توقتاپ قالعان.
قۇتقارۋ جۇمىستارىنا الماتى قالاسى تجد ماماندارى، تجم قۇتقارۋ قىزمەتى جانە كۋرورت قىزمەتكەرلەرى جۇمىلدىرىلدى. ناتيجەسىندە:
-
كابينالاردا قالىپ قويعان 21 ادام الپينيستىك قۇرال-جابدىقپەن جەرگە ءتۇسىرىلدى؛
-
تالعار اسۋىندا قالعان 100 ادام ءقاۋىپسىز جەرگە ەۆاكۋاسيالاندى.
كۋرورت اكىمشىلىگى قوناقتارعا ىستىق سۋسىن ۇسىنىپ، جىلىناتىن ورىندارمەن قامتاماسىز ەتتى.
"زارداپ شەككەندەر جوق. اسپالى جول ۋاقىتشا جۇمىس ىستەمەيدى، قالپىنا كەلتىرۋ جۇمىستارى ءجۇرىپ جاتىر"، – دەلىنگەن مينيسترلىك حابارلاماسىندا.