الماتى قالالىق پوليسياسى ءاۋتيزمى بار بالالاردى ينتەرناتقا تاپسىرۋعا شاقىرعان بلوگەرگە قاتىستى قىلمىستىق ءىس قوزعادى، دەپ حابارلايدى Aqshamnews.kz ءتىلشىسى.
الەۋمەتتىك جەلىنى شۋلاتقان پىكىر يەسىنىڭ Instagram پاراقشاسى داۋلى جازباسىنان كەيىن اككاۋنتى وشىرىلگەن نە بۇعاتتالعان. اتا-انالار اراسىندا نارازىلىق كۇشەيىپ، جازبانىڭ سكرينشوتتارى جەلىدە تاراپ كەتتى.
Autism Kazakhstan قاۋىمداستىعى باس پروكۋراتۋرا مەن ىىم-گە رەسمي سۇراۋ جولدادى. ۇيىم وكىلدەرى مۇنداي مالىمدەمەلەر اتا-انالاردىڭ اشۋ-ىزاسىن تۋعىزىپ، بالالاردىڭ قۇقىقتارىن بۇزاتىنىن ايتتى.
الماتى پوليسيا دەپارتامەنتى اتالعان دەرەك بويىنشا قىلمىستىق ءىس تىركەلگەنىن مالىمدەدى.
"بلوگەردىڭ تۇلعاسى انىقتالدى، زاڭ اياسىندا شارالار قابىلدانادى. پوليسيا قوعامدى قورلايتىن، الەۋمەتتىك ارازدىق تۋدىرۋ بەلگىلەرى بار، قاتىگەزدىك پەن زورلىق-زومبىلىقتى ناسيحاتتايتىن ماتەريالدار ءۇشىن قىلمىستىق جانە اكىمشىلىك جاۋاپكەرشىلىك كوزدەلگەنىن ەسكەرتەدى" دەلىنگەن حابارلامادا.