قالاداعى كىشى اباي كوشەسى، 190 مەكەنجايدا ورنالاسقان نىسان سۇرىلەتىن بولدى، دەپ حابارلايدى الماتىنىڭ قالا قۇرىلىسىن باقىلاۋ باسقارماسى.
جوسپاردان تىس جۇرگىزىلگەن تەكسەرۋ بارىسىندا مەنشىك يەسىنىڭ (جەكە تۇلعا) ەش رۇقسات قۇجاتتارىنسىز، نىساندى زاڭسىز سالعانى نىقتالدى. مەنشىك يەسىنە قاتىستى اكىمشىلىك شارالار قابىلداندى جانە بۇزۋشىلىقتاردى جويۋعا نۇسقاما بەرىلدى.
الماتىنىڭ مامانداندىرىلعان اۋدانارالىق ەكونوميكالىق سوتى 2024 جىلعى 22 قاراشادا نىساندى بۇزۋ جونىندە شەشىم شىعارعان ەدى. كەيىن ۇزاققا سوزىلعان سوت تالقىلاۋلارى بولدى.
الماتى قالالىق سوتىنىڭ 2025 جىلعى 2 ماۋسىمداعى قاۋلىسىمەن ءبىرىنشى ساتىداعى نىساندى بۇزۋ جونىندەگى شەشىم وزگەرىسسىز قالدى.
نىسان بۇگىن سوت ورىنداۋشىلارىنىڭ قاتىسۋىمەن ءسۇرىلىپ جاتىر.