دەپۋتات ارداق نازاروۆ ءماجىلىس وتىرىسىندا اناسىن قۇتتىقتادى، - دەپ حابارلايدى اqshamnews.kz ءتىلشىسى.
ءماجىلىس وتىرىسىندا زاڭ جوبالارى قارالعاننان كەيىن دەپۋتاتتار ءتۇرلى مەملەكەتتىك ورگاندار باسشىلارىنا جولداناتىن دەپۋتاتتىق ساۋالدارىن وقيدى. ءماجىلىس ءتوراعاسىنىڭ ورىنباسارى دانيا ەسپايەۆا ءسوزدى ارداق نازاروۆقا بەرگەندە، ول ساۋال قويۋدىڭ ورنىنا اناسىن مەرەيتويىمەن قۇتتىقتاۋعا رۇقسات سۇرادى.
"وسىندا وتىرعان بارلىق ازاماتتىڭ ارتىندا الەمنىڭ جارىعىن سىيلاعان انالار تۇر. بۇگىن مەنىڭ انامشىمنىڭ تۋعان كۇنى ەدى، 70 جاسقا تولىپ وتىر. رۇقسات ەتسەڭىز"، - دەدى دەپۋتات.
ەسپايەۆانىڭ جاۋابىن كۇتپەستەن نازاروۆ ءسوزىن جالعاستىردى. بىرنەشە ارىپتەسى وعان قول شاپالاقتادى.
"ءقادىرلى اناشىم، ءسىزدى تۋعان كۇنىڭىزبەن شىن جۇرەكتەن قۇتتىقتايمىن. ءسىزدىڭ مەيىرىمگە تولى جۇرەگىڭىزگە، جۇزىڭىزدەن توگىلگەن نۇرعا شومىلىپ ءوستىم. اناشىم، اكەتايىم ەكەۋىڭىز ماڭگى بىرگە بولىپ، نەمەرەلەرىڭىزدىڭ قىزىعىن كورىڭىزدەر. ءسىزدى قاتتى جاقسى كورەمىن، ءسىزدىڭ الدىڭىزدا باسىمدى يەمىن. انالارىڭىز امان بولسىن"، - دەدى ول.
كەيىن ول دەپۋتاتتىق ساۋالىن پرەمەر-مينيستردىڭ ورىنباسارى ەرمەك كوشەربايەۆتىڭ اتىنا جولدايتىنىن ايتىپ، وقىپ بەردى. دەپۋتات ەلىمىزدەگى مەرزىمدى اسكەري قىزمەتتى جاڭعىرتۋ قاجەتىن كوتەردى.
نازاروۆ ءسوزىن اياقتاعان سوڭ ءماجىلىس ءتوراعاسى ەرلان قوشانوۆ دەپۋتاتتىڭ اناسىن قۇتتىقتادى.