اقمولا تۇرعىنى كيبەرالاياقتارعا 30 ملن تەڭگە اۋدارعان، دەپ حابارلايدى اlmaty-akshamy.kz Polisia.kz سىلتەمە جاساپ.
ءتارتىپ ساقشىلارى اقشانى كريپتوۆاليۋتاعا، اكسيالارعا، باعالى مەتالدارعا، ءىرى مۇناي كورپوراسيالارىنا جانە ت.ب. ينۆەستيسيالاۋ ارقىلى ۇلكەن ديۆيدەندتەر بەرەتىن كۇماندى جوبالارعا اقشا سالماۋدى ۇسىنادى.
پوليسەيلەردىڭ ايتۋىنشا، كيبەرشابۋىلدار گيپنوز جانە نلپ ادىستەرىن قولدانادى، سودان كەيىن ادامدار نە بولىپ جاتقانىن ءتيىستى تۇردە باعالاي المايتىندىعىن پايدالانادى.
ماسەلەن، 19 جەلتوقساندا اقمولا وبلىسىنىڭ تۇرعىنى پوليسياعا الاياقتىق تۋرالى ارىزبەن جۇگىندى. ايەل YouTube قوسىمشاسىندا بىرنەشە رەت “حالىق بانكى” جانە “قازمۇنايگاز”پلاتفورمالارىندا اقشالاي قاراجاتتى ءتيىمدى ينۆەستيسيالاۋ تۋرالى حابارلاندىرۋلارعا تاپ بولعانىن ايتتى. قىزىعۋشىلىق تانىتقان ايەل ءوزىنىڭ ءنومىرىن قالدىرعان، كەيىنىرەك وعان بەلگىسىز ادام قوڭىراۋ شالعان.
قوسىمشا تابىس سىلتاۋىمەن ەر ادام كەيىننەن ينۆەستيسيالىق الاڭدا تابىس تابۋ ءۇشىن بانكتىك شوتىنا اقشا اۋدارۋدى سۇراعان. كەيىن جابىرلەنۋشىمەن ءارتۇرلى “مەنەدجەرلەر” سالىمشى رەتىندە جۇمىس ىستەي باستاعان.
ولاردىڭ باسشىلىعىمەن ايەل ءبىر ايدا ساۋدا الاڭىنىڭ شوتىنا شامامەن 30 ملن تەڭگە اۋدارعان، وسى ماقساتتار ءۇشىن جابىرلەنۋشى دوستارى مەن تۋىستارىنان ميلليونداعان سومانى قارىزعا، سونداي-اق ءتۇرلى بانكتەردەن نەسيە العان. كەيىنىرەك اقشانى الۋعا تىرىسىپ، ءوتىنىش بەرۋشى ءارتۇرلى كەدەرگىلەرگە تاپ بولدى جانە الاياقتاردىڭ قۇربانى بولعانىن ءتۇسىندى.
شورتاندى پوليسيا ءبولىمى وسى فاكت بويىنشا ق ر قك-نىڭ 190-بابىنىڭ 4-بولىگى (الاياقتىق) بويىنشا سوتقا دەيىنگى تەرگەۋدى باستادى. كۇدىكتىلەردىڭ جەكە باسىن انىقتاۋ بويىنشا جەدەل ىزدەستىرۋ ءىس-شارالارى جۇرگىزىلىپ جاتىر.