قىزىلوردا وبلىسىندا اققۋدى ۇستاپ، ولتىرگەن ادام انىقتالدى، دەپ حابارلايدى اlmaty-akshamy.kz رolisia.kz سىلتەمە جاساپ.
22 جەلتوقساندا الەۋمەتتىك جەلىدە اققۋدى ۇستاپ، ولتىرگەن ادام تۋرالى بەينەجازبا جاريالاندى. وسىعان بايلانىستى وبلىستىق پوليسيا دەپارتامەنتى تاراپىنان جەدەل تۇردە تەكسەرۋ جۇمىستارى جۇرگىزىلدى.
«وقيعا بويىنشا وسى كۇنگە دەيىن پوليسيا دەپارتامەنتىنە تىركەلمەگەن. بەينەجازبادان سوڭ ءىس ماتەريالدارى سىرداريا اۋداندىق پوليسيا ءبولىمىنىڭ «اقپاراتتى ەسەپكە الۋ كىتابىنا» تىركەلدى. ناتيجەسىندە بەينەجازباداعى وبلىستىڭ 26 جاستاعى تۇرعىنى انىقتالىپ، پوليسيا بولىمىنە جەتكىزىلدى. تەكسەرۋ بارىسىندا اتالعان وقيعانىڭ 2013 جىلى بالىق اۋلاۋ كەزىندە كۇرىشتىك كانالىنىڭ جاعاسىندا بولعانى، بەينەجازباعا تۇسىرىلگەندىگى انىقتالدى»، - دەپ ءمالىم ەتتى قىزىلوردا وبلىستىق پوليسيا دەپارتامەنتىنەن.
ۆەدومستۆو مالىمەتىنشە، تەكسەرۋ قورىتىندىسىنا قاراي ونىڭ ىس-ارەكەتىنە قۇقىقتىق باعا بەرىلىپ، تۇپكىلىكتى شەشىم شىعارىلادى.