2022 جىلعى 22 جەلتوقساندا ءموبيلدى بايلانىستىڭ بەسىنشى بۋىنى (5G) ءۇشىن راديوجيىلىكتەرگە اشىق اۋكسيون وتكىزىلدى، دەپ حابارلايدى اlmaty-akshamy.kz سيفرلىق دامۋ، يننوۆاسيالار جانە اەروعارىش ونەركاسىبى مينيسترلىگىنىڭ باسپا ءسوز قىزمەتىنە سىلتەمە جاساپ.
ونلاين ساۋدا "gosreestr.kz" ەلەكتروندىق ساۋدا-الاڭىندا ۇيىمداستىرىلدى. قاتىسۋشىلار 5G تەحنولوگياسىنا ارنالعان 3600-3700 مگس (100 مگس) راديوجيىلىك جولاقتارى بويىنشا باسەكەگە ءتۇستى.
اۋكسيوننىڭ العاشقى باعاسى 1 761 225 000 تەڭگەدەن باستالدى. ناتيجەسىندە، راديوجيىلىك جولاقتارى ءۇشىن ساۋدا-ساتتىق (اۋكسيون) بارىسىنداعى باعا 62 669 775 351 تەڭگەگە دەيىن كوتەرىلىپ، جەڭىمپاز بولىپ "موبايل تەلەكوم سەرۆيس" ج ش س ("تەلە 2" جانە "التەل" برەندى) جانە "كسەلل" اق ("كسەلل" جانە "اكتيۆ" برەندى) تۇراتىن كونسورسيۋم انىقتالدى.
جوعارىدا اتالعان اۋكسيوننىڭ جەڭىمپازىنا رەسپۋبليكالىق ماڭىزى بار قالالاردا جانە وبلىس ورتالىقتارىندا ءموبيلدى بايلانىستىڭ بەسىنشى بۋىنىن (5G/IMT) ەنگىزۋ جانە دامىتۋ بويىنشا مىندەتتەمەلەر جۇكتەلەدى.
مىندەتتەمەلەرگە سايكەس، اۋكسيون جەڭىمپازى كەزەڭ-كەزەڭىمەن جالپى سانى 3527 بازالىق ستانسيانى ىسكە قوسۋى كەرەك. 2027 جىلعا قاراي رەسپۋبليكالىق ماڭىزى بار قالالاردىڭ 75%-ى، وبلىس ورتالىقتارىنىڭ 60%-ى 5G تەحنولوگياسىمەن قامتاماسىز ەتىلەدى دەپ كۇتىلۋدە.
5G جەلىسىنىڭ نەگىزگى پايدالانۋشىلارى - قاراپايىم ابونەنتتەردەن باستاپ، ينتەرنەتتىڭ جوعارى جىلدامدىعىن قاجەت ەتەتىن ءىرى بيزنەس وكىلدەرى بولادى.
ال، بۇگىن 5G تەحنولوگياسىنا ارنالعان 3700-3800 مگس (100 مگس) راديوجيىلىگى ءۇشىن 2 لوت بويىنشا اۋكسيون وتكىزىلەدى.