اقمولا وبلىسىندا قامقورشىلىق ورگاندارىنىڭ زاڭسىز ارەكەتتەرىن اشكەرەلەدى، دەپ حابارلايدى اqshamnews.kz ءتىلشىسى.
وبلىستىق پروكۋراتۋرانىڭ مالىمەتىنشە، كىسى ولتىرگەن ادام وز-وزىنە جاۋاپ بەرە المايتىن تۇلعالارعا قامقورشى بولعان. زاڭناماعا سايكەس قىلمىس جاساعاندار نەمەسە پسيحيكالىق اۋرۋى بار ازاماتتار ەش جاعدايدا قامقورشى نە قورعانشى بولا المايدى. الايدا تەكسەرىس بارىسىندا اقمولا وبلىسىندا ەكى ارەكەتكە قابىلەتسىز ادامعا كەزىندە كىسى ولتىرگەنى ءۇشىن سوتتالعان تۇلعانىڭ قامقورشى بولىپ بەكىتىلگەنى انىقتالعان. سونىمەن قاتار «شيزوفرەنيا» دياگنوزى بار ءبىر ازامات تا رەسمي تۇردە قامقورشى رەتىندە تىركەلگەن.
پروكۋراتۋرا تاعى ءبىر سوراقى جايتتى حابارلادى: وڭىردە قايتىس بولعان 28 تۇرعىن ءالى كۇنگە دەيىن «ارەكەتكە قابىلەتسىز» رەتىندە ەسەپتەن شىعارىلماي، رەسمي تىزىمدە تۇرعان.
قاداعالاۋ ورگانى بۇل فاكتىلەر قامقورشىلىق جۇيەسىندەگى اۋىر كەمشىلىكتەردى كورسەتەتىنىن جانە زاڭ بۇزۋشىلىقتاردى جويۋ بويىنشا شارالار قابىلداناتىنىن مالىمدەدى.