29 جاستاعى تۇرعىنعا بيىل مامىردىڭ 3-ىندە ىزدەۋ جاريالانعان ەدى.
اقمولا وبلىسىنىڭ سەلينوگراد اۋدانىندا ون كۇن بۇرىن ءىز-تۇزسىز جوعالعان ەر ادامنىڭ دەنەسى تابىلدى، دەپ حابارلايدى اlmaty-akshamy.kz.
اقمولا وبلىستىق پد باسپا ءسوز قىزمەتىنىڭ مالىمەتىنشە، سەلينوگراد اۋدانىنىڭ 29 جاستاعى تۇرعىنى شىڭعىس مۇستافينگە بيىلعى جىلعى مامىردىڭ 3-ىندە ىزدەۋ جاريالانعان. ونى ىزدەۋگە ءتارتىپ ساقشىلارىمەن بىرگە اسكەري قىزمەتشىلەر، ەرىكتىلەر، تۋىستارى مەن تانىستارى اتسالىستى.
«مامىردىڭ 12-سىندە قابىلداعان شارالاردىڭ ناتيجەسىندە ەر ادامنىڭ دەنەسى ساندىقتاۋ اۋدانىنىڭ اۋماعىنان تابىلدى. سوت-مەديسينالىق ساراپتاما تاعايىندالدى، سونىڭ قورىتىندىسى بويىنشا پروسەسسۋالدىق شەشىم قابىلدانادى»، - دەدى ۆەدومستۆودان.
پد باسپا ءسوز قىزمەتىنەن اتاپ وتكەندەي، بەينەباقىلاۋ كامەرالارىنىڭ كومەگىمەن پوليسيا قىزمەتكەرلەرى جوعالىپ كەتكەن ەر ادامنىڭ ساندىقتاۋ اۋدانى اۋماعىنا اۆتوكولىكپەن كەلگەنىن، كەيىن كولىكتىڭ ساندىقتاۋ اۋىلىندا تۇرعانىن انىقتادى.