الماتىدا مەدبيكەلەر كۇنى تويلاندى

مەديسينا قىزمەتكەرلەرىنە توسبەلگىلەر تابىس ەتىلدى.

الماتىدا مەدبيكەلەر مەن مەيىرگەرلەردى كاسىبي مەرەكەسىمەن قۇتتىقتادى، دەپ حابارلايدى اlmaty-akshamy.kz.

سالتاناتتى جيىندا قالا اكىمىنىڭ ورىنباسارى اسەم ءنۇسىپوۆا بار عۇمىرىن ادام دەنساۋلىعىنا قىزمەت ەتۋگە ارناعان ءاربىر اق حالاتتى ابزال جانعا العىس ءبىلدىردى، دەپ حابارلايدى اlmaty-akshamy.kz.

«قازىرگى ۋاقىتتا مەدبيكە دارىگەردىڭ ايتقانىن ورىنداپ، تىركەپ قانا قويماي، وزدىگىنشە تالداۋ جاساپ، كوپتەگەن دياگنوزدى تۇسىنە ءبىلۋى كەرەك. قالا اكىمدىگىنىڭ اتىنان مەدبيكەلەر مەن مەيىرگەرلەرگە ومىرىمىزدە بولاتىن قيىن ساتتەردەگى ەڭبەكتەرى مەن مورالدىق قولداۋى ءۇشىن العىس ايتامىن»، - دەدى ول قۇتتىقتاۋىندا.

مەديسينا قىزمەتكەرلەرىنە دەنساۋلىق ساقتاۋ مينيسترلىگىنىڭ، اكىمدىكتىڭ قۇرمەت گراموتالارى، ق ر دەنساۋلىق ساقتاۋ ءمينيسترىنىڭ «ەڭبەك ارداگەرى»، «دەنساۋلىق ساقتاۋ ىسىنە قوسقان ۇلەسى ءۇشىن»، «دەنساۋلىق ساقتاۋ ءىسىنىڭ ۇزدىگى» توسبەلگىلەرى تابىس ەتىلدى.

قالا اكىمدىگى مەديسينالىق مامانداردى دامىتۋ مەن دايارلاۋ بويىنشا جۇمىس جۇرگىزىپ وتىر. بيىل مەديسينالىق كوللەدجدەرگە ارنالعان گرانتتار سانى ارتتى.  1 ملرد 464 ملن تەڭگەگە 1600 گرانت ءبولىندى. بىلتىر 1032 گرانتتىڭ سوماسى 886 ملن تەڭگە بولعان ەدى.