مۇناي باعاسى تومەندەدى

سۇرانىس قاۋپىنە بايلانىستى مۇناي باعاسى ارزانداپ جاتىر.

جۇما كۇنى مۇناي باعاسى قىتايداعى ەكونوميكالىق سيگنالدار مەن اقش-تاعى رەسەسسيا ءقاۋپى اياسىندا تومەندەپ جاتىر،  دەپ حابارلايدى اlmaty-akshamy.kz Reuters-كە سىلتەمە جاساپ.

جۇما كۇنگى ساۋدادا Brent ماركالى مۇناي فيۋچەرستەرى گرينۆيچ بويىنشا 09:31-دە (استانا بويىنشا 15:31) باررەلىنە 43 سەنتكە نەمەسە 0،57%-عا ارزانداپ، 74،55 دوللاردى قۇرادى.

West Texas Intermediate (WTI) ماركالى امەريكالىق مۇناي فيۋچەرستەرى باررەلىنە 33 سەنتكە نەمەسە 0،47%-عا ءتۇسىپ، 70،54 دوللار بولدى.

بولجام بويىنشا، باعا كورسەتكىشتەرى ءبىر اپتادا 1%-دان استام تومەندەيدى.

باعا تومەندەۋىنىڭ سەبەپتەرىنىڭ ءبىرى - بەيسەنبىدە اقش پرەزيدەنتى دجو بايدەن مەن اقش زاڭ شىعارۋشىلارىنىڭ كەيىنگە شەگەرىلگەن كەزدەسۋى، وندا تاراپتار مەملەكەتتىك قارىز شەگىن 31،4 تريلليون دوللارعا دەيىن كوتەرۋدى تالقىلاۋى ءتيىس ەدى.

كەزدەسۋ كەلەسى اپتانىڭ باسىنا اۋىستىرىلدى.

اقش قارجى ءمينيسترى دجانەت يەللەن جۇما كۇنى كونگرەسس مەملەكەتتىك قارىز شەگىن كوتەرمەسە، ەلدە قارجىلىق-ەكونوميكالىق اپات بولۋى مۇمكىن ەكەنىن مالىمدەدى.

سونداي-اق، مۇنايعا سۇرانىستىڭ ارتۋىنا قىتايلىق كاسىپورىندارعا جاڭا نەسيەلەردىڭ قىسقارۋى دا ىقپال ەتتى.

ناۋرىزدىڭ ورتاسىندا Goldman Sachs شيكىزات زەرتتەۋى ءبولىمىنىڭ باسشىاى دجەفف كارري مۇناي نارىعى دەفيسيتكە قالاي كەلە جاتقانىن، 2023 جىلدىڭ سوڭىندا باررەلى 100 دوللاردان اسۋى مۇمكىن ەكەنىن مالىمدەدى.