ءار ازامات ءوزىنىڭ داۋسىنىڭ ماڭىزدى ەكەنىن ۇمىتپاسا ەكەن!
الماتىداعى №29 قالالىق ەمحانانىڭ باس دارىگەرى، مەديسينا ماگيسترى اقميرا سادىقوۆا ارىپتەستەرىن داۋىس بەرۋگە شاقىردى، دەپ حابارلايدى Almaty-akshamy.kz.
«مەملەكەت باسشىسى 2022 جىلدىڭ 5 ماۋسىمىندا رەسپۋبليكالىق رەفەرەندۋم وتكىزۋ تۋرالى تۋرالى جارلىققا قول قويعانى بەلگىلى. بۇل كۇن ءار قازاقستاندىقتىڭ ءوزىنىڭ عانا ەمەس، بولاشاق ۇرپاعىنىڭ كەلەشەگى ءۇشىن داۋىس بەرىپ، جاڭا قازاقستاننىڭ جارقىن كۇندەرىنە جول اشار اتا زاڭىمىزعا ەنگىزىلگەلى وتىرعان وزگەرىستەردىڭ وڭ ورىن الۋىنا ءوزىنىڭ ءۇنىن رەفەرەندۋمعا قول قويۋ ارقىلى بىلدىرە الادى. اتا زاڭىمىزدىڭ 30- دان استام بابىنا وزگەرىستەر ەنگىزىلىپ، سونىڭ اياسىندا جيىرمادان استام زاڭ قابىلدانباق. ال زاڭ دەگەنىڭىز ءومىر قاعيدامىزداعى بۇلجىتپاي ورىندالاتىن ءار ازامات ءۇشىن ماڭىزى زور قۇجات. پرەزيدەنتىمىزدىڭ مۇنداي ۇلكەن وزگەرىستى قولعا الۋى ءارى حالىق بيىلىگىنە يەك ارتۋى باتىل ءارى ناقتى قادامدارىنىڭ ءبىرى بولىپ وتىر. ءبىز، دەنساۋلىق ساقتاۋ سالاسىنىڭ قىزمەتكەرلەرى، مەملەكەت باسشىسىنىڭ بۇل قادامدارىن قۇپتايمىز جانە ءوزىمىزدىڭ قولداۋمىزدى بىلدەرمىز.
مەملەكەت باسشىسى قاسىم جومارت توقايەۆ قازاقستان حالقىنا جولداعان جولداۋلارىندا دەنساۋلىق ساقتاۋ جۇيەسىن ەشقاشان نازاردان تىس قالدىرعان ەمەس. دەنساۋلىق ساقتاۋ سالاسىنا ءاردايىم ايىرىقشا ءمان بەرىپ، سالانى سەرپىلتۋگە باعىتتالعان مىندەتتەردى اماناتتاپ، ەلدىڭ الەۋمەتتىك-ەكونوميكالىق احۋالىن ارتتىرۋمەن قاتار، تۇرعىنداردىڭ ءومىر ءسۇرۋ ساپاسىن جاقسارتۋعا باعىتتالعان جاڭا شەشىمدەر قابىلداپ، دەنساۋلىق ساقتاۋ سالاسىنا ارتىلار باسىم باعىتتار مەن مىندەتتەردى دە سارالاپ بەردى. مەديسينا سالاسىنا قوماقتى قارجى بولىنەتىندىگى جانە ول قاراجات ينفراقۇرىلىمعا، مامان دايارلاۋعا، حالىقتى دارى-دارمەكپەن قامتامسىز ەتۋگە جۇمسالاتىندىعى دەنساۋلىق ساقتاۋ سالاسىنا تىڭ سەرپىن بەرىپ وتىر. 2023 جىلعا قاراي دارىگەرلەرىمىزدىڭ جالاقىسى ەكونوميكاداعى ورتاشا جالاقىدان ەكى ەسە ارتىق بولاتىنى دا قۋانتادى. وسىنىڭ بارلىعى - ءبىزدىڭ جاڭا قازاقستانننىڭ جاڭا جولىنداعى ايقىن مىندەتتەردىڭ ءبىرى. ەندىگى جەردە ءبىز مەملەكەت باسشىسىنىڭ ءار تاپسىرماسىنىڭ جۇيەلى تۇردە جۇزەگە اسۋىنا اتسالىسۋعا ءتيىسپىز. سونىڭ ەڭ باستى دا ماڭىزدى قادامى – رەفەرەندۋم. ولاي بولسا، ءبىز، دەنساۋلىق ساقتاۋ سالاسىنىڭ قىزمەتكەرلەرى، قازاقستان حالقىن وسى ايتۋلى كۇنى ءبىر جاعادان باس، ءبىر جەڭنەن قول شىعارا وتىرىپ، ءوز قولداۋلارىن ءبىلدىرۋ ءۇشىن داۋىس بەرۋگە شاقىرامىز. ءار ازامات ءوزىنىڭ داۋسىنىڭ ماڭىزدى ەكەنىن ۇمىتپاسا ەكەن!» - دەدى دارىگەر.