قازاقستاننىڭ دەنساۋلىق ساقتاۋ ءمينيسترى اقمارال ءالنازاروۆانىڭ Instagram جەلىسىندە حابارلاعانىنداي، ەل بويىنشا قان ورتالىقتارىندا ەكى كۇن ىشىندە 1،5 مىڭنان استام ادام 800 ليتر قان تاپسىردى، دەپ حابارلايدى aqshamnews.kz
اقتاۋدا قان تاپسىرۋعا 490 ادام كەلگەن بولسا، استانادا – 600-دەن استام، شىمكەنتتە – 125، اقتوبەدە – 109، جەتىسۋدا – 49، قاراعاندىدا – 40، ال شىعىس قازاقستان وبلىسىندا – 34 ادام قاتىسقان. ءمينيستردىڭ ايتۋىنشا، باسقا دا وڭىرلەردىڭ تۇرعىندارى بەلسەندىلىك تانىتقان.
"وسى قايعىلى اۋە اپاتىنان زارداپ شەككەندەر ءۇشىن قان تاپسىرعان ءاربىر ازاماتقا، ءبىزدىڭ مەديسينا قىزمەتكەرلەرىنە كومەكتەسكەندەرگە شىن جۇرەكتەن العىسىمدى بىلدىرەمىن،" – دەپ جازدى مينيستر.
بۇل وقيعا قازاقستاندىقتاردىڭ جاناشىرلىعى مەن ورتاق قايعىنى بولىسۋگە دەگەن ىنتاسىن كورسەتتى. ەل تۇرعىندارى وسىنداي قيىن ساتتە بىرلىكتىڭ ماڭىزدى ەكەنىن دالەلدەدى.