"العاباس" شاعىناۋدانىندا جاڭا جولداردىڭ قۇرىلىسى ءجۇرىپ جاتىر، 31 شاقىرىمنان استام جول جوسپارلانعان. بۇل تۋرالى وڭىرلىك كوممۋنيكاسيالار قىزمەتىنىڭ بريفينگىندە الماتى قالاسى الاتاۋ اۋدانى اكىمىنىڭ ورىنباسارى ەرتاس بەسىروۆ مالىمدەدى، دەپ حابارلايدى اlmaty-akshamy.kz الماتى قالاسىنىڭ وڭىرلىك كوممۋنيكاسيالار قىزمەتىنە سىلتەمە جاساپ.
ەرتاس بەسىروۆتىڭ ايتۋىنشا، الاتاۋ اۋدانىنداعى جولداردىڭ ۇزىندىعى 706 شاقىرىمدى قۇرايدى، ونىڭ 583،6 شاقىرىمى (82،6%) تولىعىمەن اسفالت جابىنىمەن قامتاماسىز ەتىلگەن.
«بيىل 47 كوشەنى، ونىڭ ىشىندە جالپى ۇزىندىعى 53،3 كم بولاتىن 7 شاعىن اۋداندى ورتاشا جوندەۋمەن قامتۋ جوسپارلانعان، قازىرگى ۋاقىتتا "اقبۇلاق"، "شاڭىراق-1"، "كوك-قاينار" شاعىناۋداندارىندا جۇمىستار جۇرگىزىلۋدە»، - دەدى ە. بەسىروۆ.
30 كوشەدە اعىمداعى (شۇڭقىرلى) جوندەۋ جۇمىستارى جۇرگىزىلدى. اتالعان باعىتتاعى جۇمىستار ءالى دە جالعاسۋدا.
ە. بەسىروۆ 6 شاعىناۋداندا ("شاپاعات"، "قاراسۋ"، "العاباس"، "ايگەرىم-1،2"، "شاڭىراق-1"، "بورالداي") جالپى ۇزىندىعى 207 كم (سۋ – 116،6 كم، كارىز – 90،3 كم) ينجەنەرلىك جەلىلەردىڭ قۇرىلىسى جۇرگىزىلىپ جاتقانىن ايتتى. ينجەنەرلىك جەلىلەردىڭ قۇرىلىسى اياقتالعان كوشەلەردە اسفالت جابىنىن قالپىنا كەلتىرۋ جۇمىستارى اتقارىلۋدا.
سونىمەن قاتار، قازىرگى ۋاقىتتا اقبۇلاق، وجەت جانە سامعاۋ شاعىن اۋداندارى بويىنشا سالىنعان ينجەنەرلىك جەلىلەردى پايدالانۋعا بەرۋ جۇزەگە اسىرىلۋدا
سونداي-اق، اعىمداعى جىلى «تەرەكتى» شاعىناۋدانىندا 44 كم سۋمەن جابدىقتاۋ جانە 32 كم كارىز جەلىلەرىنىڭ قۇرىلىسى جوسپارلانعان.
بريفينگ سوڭىندا ە. بەسىروۆ اعىمداعى جىلى "تەرەكتى" شاعىناۋدانىندا 44 كم سۋمەن جابدىقتاۋ جانە 32 كم كارىز جەلىلەرىنىڭ قۇرىلىسى جوسپارلانعانىن حابارلادى.
2020 جىلى 413 كوشەگە 19 471 جارىق ديودتى شام ورناتىلدى. 2022 جىلى قوسىمشا 515 كوشەگە جارىق شامدارىن ورناتۋ جوسپارلانۋدا.