سپورتتىق جانە مادەني ءومىر تۋرالى وڭىرلىك كوممۋنيكاسيالار قىزمەتىنىڭ بريفينگىندە الماتى قالاسى الاتاۋ اۋدانى اكىمىنىڭ ورىنباسارى ەرتاس بەسىروۆ ايتىپ بەردى، دەپ حابارلايدى اlmaty-akshamy.kz الماتى قالاسىنىڭ وڭىرلىك كوممۋنيكاسيالار قىزمەتىنە سىلتەمە جاساپ.
«اعىمداعى جىلى "نۇركەنت" شاعىناۋدانىندا ۇستەل تەننيسى ورتالىعى اشىلدى. ورتالىقتىڭ نەگىزگى زالى - 20، جاتتىعۋ زالى - 8 تەننيس ۇستەلىمەن جابدىقتالعان. زالدا كورەرمەندەرگە ارنالعان 328 ورىن بار»، - دەدى ە. بەسىروۆ.
اۋدانىمىزدا 2020-2021 جىلدارى سالىنعان فۋتبول الاڭدارىندا ارنايى جاتتىقتىرۋشىلار تاراپىنان تەگىن جاتتىعۋلار وتكىزىلەدى.
سونىمەن قاتار، سپورت جانە مادەنيەت باعىتتارى بويىنشا تەگىن وقىتاتىن 9 اۋلا كلۋبتارى جۇمىس ىستەيدى. سونداي-اق، Alatau Creative Hub مادەني-بىلىم بەرۋ ورتالىعى بالالاردى تەگىن ۇيىرمەلەرگە قابىلدايدى.
«اعىمداعى جىلى الاتاۋ اۋدانى اكىمىنىڭ اپپاراتىمەن اۋدان تۇرعىندارى ءۇشىن سپورتتىق جانە شىعارماشىلىق ۇيىرمەلەرىن اشۋ ءۇشىن جەر تەلىمىمەن بىرگە بۇرىنعى مادەنيەت ءۇيىنىڭ عيماراتىن ساتىپ الۋ ماسەلەسى قارالدى. بۇگىنگى كۇنى مەنشىك يەسىمەن عيماراتتى ساتىپ الۋ ءۇشىن قۇجاتتامانى رەسىمدەۋ بويىنشا جۇمىستار جۇرگىزىلۋدە. عيماراتتى ساتىپ العاننان كەيىن الماتى قالاسىنىڭ ءتيىستى باسقارمالارىمەن بىرلەسىپ ۇيىرمەلەر اشۋ جوسپارلانۋدا»، - دەدى ە. بەسىروۆ.
«شىڭعا ورلەۋ» جانە «بەلسەندى ۇزاق ءومىر» الەۋمەتتىك ورتالىقتارى بازاسىندا بىرلەسكەن ۇيىرمەلەر اشۋ ماسەلەسى قاراستىرىلۋدا.
سونداي-اق، الماتى قالاسى قۇرىلىس باسقارماسىنىڭ تاپسىرىسى بويىنشا "نۇركەنت" شاعىناۋدانىندا مەكتەپ جاسىنا دەيىنگى بالالارعا ارنالعان يننوۆاسيالىق شىعارماشىلىق ورتالىعىنىڭ، جابىق جانە اشىق كورتتارى بار تەننيس ورتالىعىنىڭ، "زەردەلى" شاعىناۋدانىندا دەنە شىنىقتىرۋ-ساۋىقتىرۋ كەشەنىنىڭ قۇرىلىسى جۇرگىزىلۋدە.