جىل باسىنان بەرى "اقبۇلاق"، "قاراسۋ"، "شاپاعات"، "شاڭىراق-1، 2"، "ۇلجان-1"، "سامعاۋ"، "كوك-قاينار"، "بايبەسىك"، "دارحان"، "ايگەرىم" شاعىناۋداندارىندا 69 كوشە بويىنشا ارىق جەلىلەرىنىڭ قۇرىلىسى جۇرگىزىلۋدە. اباتتاندىرۋ تۋرالى وڭىرلىك كوممۋنيكاسيالار قىزمەتىنىڭ بريفينگىندە الماتى قالاسى الاتاۋ اۋدانى اكىمىنىڭ ورىنباسارى ەرتىس بەسىروۆ ايتىپ بەردى، دەپ حابارلايدى اlmaty-akshamy.kz الماتى قالاسىنىڭ وڭىرلىك كوممۋنيكاسيالار قىزمەتىنە سىلتەمە جاساپ.
«سۋ باسۋدىڭ الدىن-الۋ ماقساتىندا، جاسىل ەكونوميكا باسقارماسى تاراپىنان جىل باسىنان بەرى "اقبۇلاق"، "قاراسۋ"، "وجەت"، "شاپاعات"، "شاڭىراق-1،2"، "ۇلجان-1"، "سامعاۋ"، "كوك قاينار"، "بايبەسىك"، "دارحان"، "ايگەرىم" شاعىناۋداندارىندا جالپى ۇزىندىعى 51 كم بولاتىن 69 كوشە بويىنشا ارىق جەلىلەرىنىڭ قۇرىلىسىن جۇرگىزۋدە»، - دەپ حابارلادى ە. بەسىروۆ.
سونىمەن قاتار، 53 اۋلا اۋماعىن اباتتاندىرۋ جۇمىستارى تولىعىمەن اياقتالدى. الماتى قالاسىنىڭ ساۋلەتتىك كەلبەتىن جاقسارتۋ ماقساتىندا ءبىزدىڭ تاراپىمىزدان "زەردەلى" شاعىناۋدانىندا 63 ءۇيىنىڭ قاسبەتتەرىن اعىمداعى جوندەۋ جۇمىستارى باستالدى. جۇمىستاردى 2022 جىلدىڭ قاراشا ايىنىڭ سوڭىنا دەيىن اياقتاۋ جوسپارلانۋدا.
تۇرعىندار ءۇشىن قولايلى جاعداي جاساۋ ماقساتىندا ۇلجان، شاڭىراق-2، نۇركەنت، العاباس شاعىن اۋداندارىنىڭ جاسىل ايماقتارىندا اعىمداعى جوندەۋ جۇمىستارى جۇرگىزىلدى.
ە. بەسىروۆ بۇگىندە «حالىق قاتىساتىن بيۋدجەت» باعدارلاماسى قارقىندى تۇرە جۇزەگە اسىرىلىپ جاتقانىن، وندا ءاربىر تۇرعىن ءوز جوبالارىن ۇسىنا الاتىندىعىن ايتتى.
«2020 جىلى باعدارلاما اياسىندا قالا تۇرعىندارىنان 99 جوبا كەلىپ ءتۇستى، ونىڭ ىشىندە تۇرعىنداردىڭ داۋىس بەرۋىنە سايكەس 31 جوبا جۇزەگە اسىرىلدى بۇگىنگى كۇنى 21 نىساننىڭ قۇرىلىسى اياقتالدى، قالعان جۇمىستار اياقتالۋعا جاقىن»، - دەدى وكق بريفينگى سپيكەرى.
2021 جىلى «2021-2022 جج.حالىقتىق قاتىسۋ بيۋدجەتى» باعدارلاماسى اياسىندا 175 جوبا كەلىپ ءتۇستى، ونىڭ ىشىندە قالا تۇرعىندارىنىڭ داۋىس بەرۋىمەن 1،3 ملرد تەڭگە سوماسىنا 26 جوبا ىسكە اسىرۋعا جىبەرىلدى.
24 جوبا بوس جەرلەردە جاڭا كەڭىستىكتەر قۇرۋدى كوزدەيدى. بۇل بالالار ويىن الاڭدارى، ۆوركاۋتتار مەن سپورت كەشەندەرى، جاياۋ جۇرگىنشىلەر مەن جاسىل ايماقتار. سونداي-اق، جوبالاردى تاڭداۋ كەزىندە ءار شاعىن اۋداندى قامتيتىن قوعامدىق كەڭىستىكتى ەسكەرىلدى.
سونداي-اق، ماگيسترالدى كوشەلەر بويىنداعى (رىسقۇلوۆ داڭعىلى، مومىش ۇلى كوشەسى) جاسىل ايماقتى ءتيىمدى ۇستاۋ ءۇشىن اۆتوماتتى سۋارۋ جۇيەسىن اعىمداعى جوندەۋ بويىنشا جۇمىستار جۇرگىزىلەتىن بولادى.
الماتى قالاسىنىڭ جاسىل ەكونوميكا باسقارماسى ءبىر ساياباق پەن ەكى جىرا-سايدى كورىكتەندىرۋ جۇمىستارىن جۇرگىزۋگە جوبالىق-سمەتالىق قۇجاتتاما ازىرلەۋدە. جوبالاردا تروتۋار پليتالارىن توسەۋ، جاڭا جارىقتاندىرۋ، بالالار الاڭدارىن، ورىندىقتار مەن قوقىس جاشىكتەرىن ورناتۋ، پيرستەردى جايلاستىرۋ جۇمىستارى قاراستىرىلعان. قمج وتكىزۋدىڭ جوسپارلانعان مەرزىمى - 2023 جىلدىڭ سوڭىنا دەيىن.