ەرەجە 2024 جىلدىڭ 15 قاڭتارىنان باستاپ كۇشىنە ەنەدى
مەملەكەت باسشىسىنىڭ اۋىلدىق جەردە ءوز جۇمىسكەرلەرىنە باسپانا سالۋعا جۇمىس بەرۋشىلەردىڭ شىعىنىن وتەۋ تۋرالى تاپسىرماسىن ورىنداۋ ماقساتىندا ونەركاسىپ جانە قۇرىلىس مينيسترلىگى سۋبسيديانىڭ ءتيىستى قاعيداسىن ازىرلەپ، بەكىتتى، دەپ حابارلايدى اlmaty-akshamy.kz.
بەكىتىلگەن ەرەجەگە سايكەس اۋىلدا، كەنتتە نەمەسە اۋىلدىق وكرۋگتە جالعا بەرىلەتىن تۇرعىن ءۇي سالعان جۇمىس بەرۋشىلەر 5 ميلليون تەڭگەگە دەيىنگى مولشەردە مەملەكەتتىك سۋبسيديا الا الادى.
بۇل 75-تەن 100 شارشى مەترگە دەيىنگى تۇرعىن ءۇي قۇرىلىسىنىڭ شىعىنىن جابادى.
سۋبسيديا الۋ ءۇشىن جۇمىس بەرۋشىلەر قىزمەتكەرمەن 5 جىلعا ەڭبەك شارتىن جاساسۋى، سونداي-اق پايدالانۋعا بەرىلگەن تۇرعىن ۇيگە اۋىرتپالىقتاردىڭ بولماۋىن قامتاماسىز ەتۋى قاجەت.
بۇل رەتتە اۋماعىندا جۇمىس بەرۋشىلەر تۇرعىن ءۇي سالۋدى جوسپارلايتىن اۋىلداردىڭ، كەنتتەردىڭ، اۋىلدىق وكرۋگتەردىڭ تىزىمدەرىن جەرگىلىكتى اتقارۋشى ورگاندار ايقىندايدى جانە بەكىتەدى.
اۋدان ورتالىقتارىنىڭ جانە وبلىس ورتالىقتارى، مونو جانە شاعىن قالالارى بار نەمەسە اگلومەراسيالاردىڭ، فۋنكسيونالدىق قالالىق اۋدانداردىڭ قۇرامىنا كىرەتىن 30 كيلومەترگە دەيىنگى جاقىن ورنالاسقان اۋىلدىق وكرۋگتەردىڭ تىزىمدەرىنە، اۋىلدارىنا، كەنتتەرىنە، اۋىلدىق وكرۋگتەرىنە ەنگىزۋگە جاتپايدى.
بەكىتىلگەن ەرەجە 15 قاڭتاردان باستاپ، العاشقى رەسمي جاريالانعان كۇنىنەن باستاپ كۇنتىزبەلىك ون كۇننەن كەيىن كۇشىنە ەنەدى.