جەدەل-جاردەم قوسالقى ستانساسىنىڭ ءبىر بريگاداسى تاۋلىگىنە شامامەن 20 شاقىرتۋ العان
اپتاپ ىستىقتىڭ سالدارى ينفاركت پەن ينسۋلت الۋعا دەيىن جەتكىزۋى مۇمكىن، دەپ حابارلايدى Almaty-akshamy.kz Almaty.tv-گە سىلتەمە جاساپ.
كۇننىڭ كۇرت ىسۋىنان اۋرۋحاناعا تۇسەتىن ناۋقاستار جيىلەدى دەگەن №4 ەمحانانىڭ دارىگەرلەرى كۇنىنە 12 ادامعا دەيىن ەم-دوم سۇراپ كەلەتىنىن ايتادى. ال جەدەل-جاردەم قوسالقى ستانساسىنىڭ ءبىر بريگاداسى تاۋلىگىنە شامامەن 20 شاقىرتۋ العان.
«كۇننىڭ ىستىعىنا بايلانىستى كوپتەگەن ناۋقاسقا كەرى اسەرىن بەرىپ جاتىر. بىلايشا ايتقاندا گيپەرتەرميا دەپ ايتامىز. كۇننىڭ ىستىعىنان دەنە قىزۋى كوتەرىلىپ، تەك قانا دەنەگە عانا ەمەس، سونىمەن قاتار ارتەريا قان قىسىمى دا اسەر ەتەدى. گيپەرتەرمياعا ءالسىز ادامدار كىمدەر؟ ولار بالالار جانە ۇلكەن كىسىلەر قارتتار دەۋگە بولادى»، – دەدى №4 قالالىق ەمحانانىڭ نيەۆروپاتولوگ دارىگەرى جازيرا مۇحامەدقالييەۆا.