بالىقشى رەزەڭكە قايىقپەن شىققان
الاكولدە سۋعا باتىپ بارا جاتقان بالىقشى قۇتقارىلدى، دەپ حابارلايدى Almaty-akshamy.kz الماتى وبلىسى تجد باسپا ءسوز قىزمەتىنە سىلتەمە جاساپ.
2022 جىلعى 24 ماۋسىم كۇنى تاڭعى ساعات 6:20-دا قۇتقارۋشىلار پۋلتىنە اقشي اۋىلىندا الاكول كولىنىڭ جاعالاۋىنان 1 شاقىرىم قاشىقتىقتا كۋاگەرلەر توڭكەرىلگەن قايىقتى بايقاعانى تۋرالى حابارلاما كەلىپ ءتۇستى.
الاكول ءوڭىرىنىڭ، اقشي اۋىلىنىڭ جەدەل-قۇتقارۋ جاساعىنىڭ قۇتقارۋشىلارى دەرەۋ شاقىرتۋ ورنىنا شىقتى.
«شاقىرۋ ورنىنا كەلگەن بويدا 1968 جىلى تۋعان ەر ادام، الماتى قالاسىنىڭ تۇرعىنى رەزەڭكە قايىقتا، بالىق اۋلاۋ كەزىندە قاتتى جەلدىڭ سالدارىنان، قايىق اۋدارىلىپ كەتكەنى انىقتالدى. بالىقشى توڭكەرىلگەن قايىقتىڭ جانىندا سۋدا بولدى»،-دەلىنگەن حابارلامادا.
ەر ادام ءقاۋىپسىز جاعاعا ەۆاكۋاسيالاندى، مەديسينالىق كومەك قاجەت ەمەس ەدى. قۇتقارىلعان ادامعا سۋداعى قاۋىپسىزدىك ەرەجەلەرى جانە سۋدا قۇتقارۋ كەۋدەشەسىنسىز ءجۇرۋدىڭ سالدارى تۋرالى تۇسىندىرمە اڭگىمە جۇرگىزىلدى.
قۇتقارۋشىلار ازاماتتاردى سۋداعى بارلىق قاۋىپسىزدىك شارالارىن ساقتاۋعا شاقىرادى.