الماتىنىڭ حايۋاناتتار باعىنىڭ جانۋارلارى شىلىڭگىر شىلدەنىڭ اپتابىنان قالاي قورعانىپ جاتىر؟
زووباق قىزمەتكەرلەرى جانۋارلاردى تاماشالاۋعا كەلگەن ادامدار تاراپىنان وسىنداي سۇراقتار ءجيى قويىلاتىنىن ايتتى. سول سەبەپتى دە ولار وزدەرىنىڭ الەۋمەتتىك جەلىدەگى پاراقشالارىندا ۆيدەو جاريالادى، دەپ حابارلايدى Almaty-akshamy.kz.
"كۇن ىستىق، قاپىرىق... كوپ ادامدار زووباقتاعى جانۋارلار اپتاپ ىستىققا قالاي شىدايدى دەپ سۇراق قويادى. بىزدەگى جانۋارلاردىڭ بارلىعى قاجەتتى سۋمەن قامتاماسىز ەتىلگەن. ءبىراق، حايۋاناتتار باعىنا كەلۋشىلەر جانۋارلارعا ارنالعان سۋ قۇياتىن ىدىستاردى بايقاي بەرمەيدى. مىسالى، ياگۋار، لەوپارد، پۋما، تۇلكى، قاسقىرلارعا بەرىلەتىن سۋلار تەحنيكالىق ايماقتا ورنالاستىرىلعان ىدىستاردا بولادى. ول جەردەگى سۋلاردى ءجيى اۋىستىرىپ تۇرۋعا ءقاۋىپسىز ءارى ىڭعايلى. تەحنيكالىق ايماقتاعى سۋلار تازا ءارى سالقىن بولىپ تۇرادى. سوندىقتان، سۋلاردى ءبىز نەگىزىنەن ۇيشىكتەرگە، كولەڭكەگە قويامىز"، - دەلىنگەن جازبادا.
بورسىق، اق ايۋ، جولبارىستار باسسەيندە شومىلعاندى جاقسى كورەدى. ال، پىلدەر ءۇشىن ارنايى سەنسورلى دۋش ورناتىلعانى ايتىلدى.
Instagram الەۋمەتتىك جەلىسىندە جاريالانعان ۆيدەودا شيمپانزە بالمۇزداق جەپ وتىرعانى، ءپىل دۋشقا ءتۇسىپ جاتقانى جانە ارىستانداردىڭ ۇستىنە سۋ شاشىلىپ جاتقانى كورسەتىلگەن.