اپتاپ ىستىق ءالى دە ساقتالىپ وتىر

«قازگيدرومەت» رمك-سى شىلدەنىڭ 16-سى، جەكسەنبىگە ارنالعان كۇن رايى بولجامىن جاريالادى.

سينوپتيكتەردىڭ كەلتىرگەن مالىمەتتەرى بويىنشا، بۇگىن اتموسفەرالىق فرونتالدى بولىكتەردىڭ وتۋىنە وراي قازاقستاننىڭ باتىسىندا، سولتۇستىگىندە، قيىر شىعىسىندا جانە وڭتۇستىك - شىعىسىندا اۋا-رايى قۇبىلمالى بولادى. ناقتىراق ايتقاندا، جاڭبىر جاۋىپ، ەلدىڭ باتىسىندا نوسەر جاۋىن جاۋادى، نايزاعاي ويناپ، بۇرشاق جاۋادى، داۋىل تۇرادى. ال ەلدىڭ قالعان اۋماعىندا كۇن نەگىزىنەن جاۋىن-شاشىنسىز بولادى. رەسپۋبليكا بويىنشا جەل كۇشەيەدى دەپ كۇتىلۋدە، سولتۇستىكتە تۇندە تۇمان بولادى.

الماتى وبلىسىنىڭ باسىم بولىگىندە جانە ۇلىتاۋ جانە جەتىسۋ وبلىستارىندا، شىعىس قازاقستان، قوستاناي وبلىستارىنىڭ وڭتۇستىگىندە، اقتوبە وبلىسىنىڭ وڭتۇستىك-شىعىسىندا جانە اباي وبلىسىنىڭ وڭتۇستىگىندە 35-38°س قاتتى ىستىق كۇتىلەدى.

باتىس قازاقستان وبلىسىنىڭ وڭتۇستىك-باتىسىندا ءورت ءقاۋپى جوعارى كۇتىلەدى.

تۇركىستان، الماتى، شىعىس قازاقستان، پاۆلودار، قاراعاندى، قىزىلوردا، جامبىل، ماڭعىستاۋ، اقمولا، سولتۇستىك قازاقستان وبلىستارىنىڭ، ۇلىتاۋ، اباي، جەتىسۋ وبلىستارىنىڭ باسىم بولىگىندە، اقتوبە وبلىسىنىڭ وڭتۇستىگىندە، وڭتۇستىك-شىعىسىندا، قوستانايدىڭ وڭتۇستىگىندە، اتىراۋ وبلىسىنىڭ باتىسىندا، شىعىسىندا توتەنشە ءورت ءقاۋپى كۇتىلۋدە.