اباي داڭعىلىنداعى جول جۇمىستارى كەزەڭ-كەزەڭىمەن جۇرگىزىلۋدە. قازىرگى ۋاقىتتا باتىس باعىتتا دوستىق داڭعىلىنان ناۋرىزباي باتىر كوشەسىنە دەيىنگى جانە شىعىس بانىتتا تىلەندييەۆ كوشەسىنەن اۋەزوۆ كوشەسىنە دەيىنگى ۋچاسكەلەردە جوندەۋ جۇمىستارى تولىق اياقتالدى-وندا كولىك قۇرالدارىنىڭ قوزعالىسى تولىق كولەمدە قالپىنا كەلتىرىلدى.
جۇمىس بايتۇرسىن ۇلى كوشەسىنەن ەسەنتاي وزەنى ارقىلى وتەتىن كوپىرگە دەيىنگى ۋچاسكەدە باستالادى. جول قوزعالىسىنا قاتىسۋشىلاردىڭ قاۋىپسىزدىگىن قامتاماسىز ەتۋ ءۇشىن 17 شىلدەدەگى ساعات 23-00-دەن 19 شىلدەدەگى ساعات 06-00-گە دەيىن داڭعىلدىڭ سولتۇستىك جاعىمەن تولىق جابىلاتىن پوليمەرلى اسفالتبەتون توسەۋ جۇمىستارى جۇرگىزىلەتىن بولادى؛
جابىق ۋچاسكەنى اينالىپ ءوتۋ شيەۆچەنكو كوشەسى، قۇرمانعازى كوشەسى، بايتۇرسىن ۇلى كوشەسى، ساتبايەۆ كوشەسى ارقىلى جۇزەگە اسىرىلادى. بايتۇرسىن ۇلى كوشەسى بويىنشا كولىكتىڭ وتپەلى قوزعالىسى قولجەتىمدى بولادى.
شاگابۋتدينوۆ كوشەسىنەن وڭتۇستىك باعىتتا اباي داڭعىلىنا ءوتۋ جانە ءشارىپوۆ كوشەسىنە اباي داڭعىلىنان سولتۇستىك باعىتتا ءوتۋ 17 شىلدە ساعات 23-00-دەن 19 شىلدە ساعات 06-00-گە دەيىن شەكتەلەدى.جول-كولىك وقيعالارىن بولدىرماۋ جانە جول قوزعالىسىن ۇيىمداستىرۋ ءۇشىن جوعارىدا اتالعان كوشە ۋچاسكەسىندە پاترۋلدىك پوليسيا پولكىنىڭ 3 ەكيپاجى جۇمىلدىرىلاتىن بولادى.
جوندەۋ جۇمىستارىن جۇرگىزۋ ۋچاسكەلەرى تۋرالى وزەكتى اقپارات قالا اكىمدىگى مەن قالالىق موبيلدىلىك باسقارماسىنىڭ رەسمي بەتتەرىندە، سونداي-اق گاج 2-قوسىمشاسىندا قولجەتىمدى بولادى.
ەستەرىڭىزگە سالا كەتەيىك، الماتىدا العاش رەت قۇرامداعى پوليمەرلەردى پايدالانا وتىرىپ، اسفالت توسەۋ جۇمىستارى جۇرگىزىلۋدە. مۇنداي قوسپالار توزۋعا ءتوزىمدى، جۇمسارتۋ تەمپەراتۋراسى جوعارى (65-70°C)، سوندىقتان ىستىققا كوپ اسەر ەتپەستەن وڭاي توتەپ بەرە الادى، الدەقايدا ۇزاعىراق قىزمەت ەتەدى – قازىرگى 5 جىل جۇمىس ىستەۋدىڭ ورنىنا 8-10 جىل.
جوندەۋ جۇمىستارى 2023 جىلعا جوسپارلانعان جۇمىستار اياسىندا جۇرگىزىلۋدە. ۋاقىتشا قولايسىزدىقتار ءۇشىن كەشىرىم سۇرايمىز. بۇل قالانىڭ جولدارى بىزگە ۇزاعىراق قىزمەت ەتۋى ءۇشىن قاجەتتى شارا. مارشرۋتتى الدىن الا تۇزەتۋدى سۇرايمىز.