Apple كومپانياسى باسقا دا امەريكالىق تەحنيكا الىپتارى سەكىلدى شتاتىن قىسقارتادى، دەپ حابارلايدى اlmaty-akshamy.kz AppleInsider-گە سىلتەمە جاساپ.
قىزمەتكەرلەردى قىسقارتۋ بولشەك ساۋدا ۇجىمدىق ءبولىمىنىڭ شتاتىندا جۇرگىزىلەدى. بۇل كومپانيانىڭ جۇمىسىن بەلسەندى ەتۋ ماقساتىندا جوسپارلانعان شارالاردىڭ ءبىرى بولماق. سيليكون القابى Facebook، Amazon، Google، Microsoft جانە باسقا دا ءىرى كومپانيالار قىزمەتكەرلەردى جاپپاي قىسقارتقان ەدى. Apple وسىعان دەيىن بۇل جاعدايدان اينالىپ ءوتىپ كەلدى.
Bloomberg جازۋىنشا، Apple-دىڭ ۇجىمدىق بولشەك كومانداسى كەزەكتى قايتا قۇرىلىمداۋدان وتەدى. كومپانيا قىسقارتىلاتىن جۇمىسشىلاردىڭ ناقتى سانىن ايتقان جوق. بۇل جاڭالىقتى قۇپيا دەرەككوزدەر تاراتتى، ال Apple-دىڭ ءوزى ازىرگە رەسمي مالىمدەمە جاساعان جوق.
دەرەككوزدەردىڭ ايتۋىنشا، Apple قىزمەتىنەن بوساتىلعان جۇمىسشىلاردىڭ بارىنە قولداۋ كورسەتۋگە نيەتتى.