قتج پويىزدارداعى جولاۋشى ورنىن 270 مىڭعا دەيىن كوبەيتەدى
الاكولگە باراتىن پويىزدارداعى جولاۋشى ورىندارىنىڭ سانى 2023 جىلى جازعى تۋريستىك ماۋسىمعا وتكەن جىلدىڭ سايكەس كەزەڭىمەن سالىستىرعاندا 6% وسەدى، دەپ حابارلايدى Almaty-akshamy.kz "قازاقستان تەمىر جولىنا" سىلتەمە جاساپ.
سونىمەن قاتار جولاۋشىلارعا 276 مىڭنان استام ورىن ۇسىنىلادى. الاكول باعىتىندا جولاۋشىلار پويىزدارى استانا، الماتى، شىعىس قازاقستان جانە اباي وبلىستارىنان 11 باعىت بويىنشا ءجۇرۋدى جالعاستىرادى. العاش رەت "استانا – دوستىق" باعىتى بويىنشا "تالگو" پويىزى ىسكە قوسىلادى.
قازىرگى ۋاقىتتا "جولاۋشىلار تاسىمالى" اق اكىمدىكتەرمەن، اۆياتاسىمالداۋشىلارمەن جانە تۋروپەراتورلارمەن بىرلەسىپ شىمكەنت، پاۆلودار، وسكەمەن، قىزىلوردا قالالارىنان الاكولگە دەيىن ينتەرمودالدىق تاسىمالداردى (كولىكتىڭ ەكى نەمەسە ودان دا كوپ ءتۇرى) قالىپتاستىرۋ مۇمكىندىگىن قاراستىرۋدا.