«قازاۆتوجول» ۇلتتىق كومپانياسى» اكسيونەرلىك قوعامىنىڭ باسقارما ءتوراعاسىنا، باسقارما مۇشەلەرى مەن كورپوراتيۆتىك حاتشىعا، ىشكى اۋديت قىزمەت باسشىسىنا 20،6 ملن تەڭگە نەگىزسىز تولەنگەن. جوعارى اۋديتورلىق پالاتانىڭ 2022 جىلعى جۇمىستارىنىڭ قورىتىندىسىندا وسىنداي دەرەك كەلتىرىلگەن، دەپ حابارلايدى اlmaty-akshamy.kz قازاقپاراتقا سىلتەمە جاساپ.
«جوعارىدا كورسەتىلگەن كەمشىلىكتەرمەن قاتار «قازاۆتوجول» ۇلتتىق كومپانياسى» اكسيونەرلىك قوعامىندا جانە ونىڭ فيليالدارىندا انىقتالعان جەكەلەگەن زاڭ بۇزۋ دەرەكتەرى بار. ينۆەستيسيالىق جوبالاردى ىسكە اسىرۋ كەزىندە زاڭنامانىڭ تالاپتارىنا سايكەس كەلمەيتىن جول-قۇرىلىس ماتەريالدارىن پايدالانۋ دەرەكتەرى كەزدەسكەن. سونداي-اق تالاپ ەتىلمەگەن جوبالاۋ-سمەتالىق قۇجاتتامالار (جالپى سوماسى 595،3 ملن تەڭگە) ازىرلەگەن. مىسالى، «ءۇشارال-دوستىق 2،9-30 ۋچاسكە» اۆتوجولىن رەكونسترۋكسيالاۋ كەزىندە ساپا ورتالىعى جول-قۇرىلىس ماتەريالىنىڭ قۇرىلىس نورمالارىنا سايكەس كەلمەيتىن 51 قايشىلىق انىقتادى»، - دەپ جازادى پالاتا ماماندارى.
تاۋەلسىز ۇيىمداردىڭ كورپوراتيۆتىك باسقارۋ جۇيەسىن باعالاۋ ءتارتىبىنىڭ بولماۋى دا «قازاۆتوجولعا» بولىنگەن قاراجاتتىڭ ءتيىمسىز يگەرىلمەۋىنە جول اشقان.
«قازاۆتوجول» ۇك» اق باسشى قۇرامىنا (باسقارما ءتوراعاسىنا، مۇشەلەرىنە، كورپوراتيۆتىك حاتشىعا، ىشكى اۋديت قىزمەتى باسشىسىنا) سوماسى 20،6 ملن تەڭگەگە جاسالعان نەگىزسىز تولەمدەر جۇرگىزىلگەن»، - دەلىنگەن رەسمي اقپاراتتا.