قازاقستاندا اپاتتى جاعدايداعى 3،7 مىڭ ءۇي بار ەكەن.

ەلدىڭ 5 وڭىرىندە تۇرعىن ءۇي قورىنىڭ جوعارى توزۋى ساقتالىپ وتىر. ەلىمىزدە توزىعى جەتكەن جانە اپاتتى جاعدايداعى 3،7 مىڭ ءۇي بار. بۇل تۋرالى يندۋستريا جانە ينفراقۇرىلىمدىق دامۋ ءمينيسترى مارات قارابايەۆ ۇكىمەت وتىرىسىندا حابارلادى، دەپ جازادى Almaty-akshamy.kz.  inbusiness.kz. سىلتەمە جاساپ.

"رەسپۋبليكانىڭ تۇرعىن ءۇي قورىندا توزىعى جەتكەن جانە اۆاريالىق جاعدايداعى 3،7 مىڭ ءۇي بار. اپاتتى تۇرعىن ءۇي يەلەرىنىڭ ماسەلەلەرىن شەشۋ جانە ەلدى مەكەندەردىڭ ساۋلەتتىك كەلبەتىن جاقسارتۋ ماقساتىندا بۇزىلاتىن ۇيلەردىڭ تىزبەسىن ايقىنداي وتىرىپ، قابىلدانعان رەنوۆاسيالاۋ باعدارلامالارى وزەكتەندىرىلەدى. 2029 جىلعا 1 مىڭ 500 ءۇيدى بۇزۋ جانە 40 مىڭ مەنشىك يەسىنىڭ تۇرعىن ءۇي ماسەلەلەرىن شەشۋ جوسپارلانىپ وتىر. ونىڭ ىشىندە بيىل 3 مىڭنان استام مەنشىك يەسىن قامتيتىن 120 كوپ پاتەرلى تۇرعىن ءۇي بار"، - دەدى مينيستر.

مارات قارابايەۆ كۇردەلى جوندەۋدى قاجەت ەتەتىن كوندومينيۋم وبەكتىلەرىنىڭ ۇلەسى 32%-دان 31،1%-عا دەيىن تومەندەگەنىن اتاپ ءوتتى.

"بەس وڭىردە تۇرعىن ءۇي قورىنىڭ جوعارى توزۋى ساقتالادى. اتاپ ايتقاندا، اباي وبلىسىندا – 67%، باتىس قازاقستان وبلىسىندا – 63،9%، اقمولا وبلىسىندا - 59،2%، جەتىسۋ وبلىسىندا – 52،6%، الماتى قالاسىندا – 52،4%. رەسپۋبليكانىڭ 11 وڭىرىندە 215 كوپ پاتەرلى تۇرعىن ۇيگە كۇردەلى جوندەۋ جۇمىستارى جۇرگىزىلدى"، - دەدى ول.