سامميت بارىسىندا ءبىرقاتار قۇجات قابىلداندى.
بۇگىن استاناداعى ازياداعى ءوزارا ءىس-قيمىل جانە سەنىم شارالارى جونىندەگى كەڭەس سامميتىندە ءبىرقاتار قۇجات قابىلداندى، دەپ حابارلايدى Almaty-akshamy.kz قازاقپاراتقا سىلتەمە جاساپ.
سامميت اياسىندا اوسشك-گە مۇشە مەملەكەتتەردەن بەكىتۋ ءۇشىن ءتيىستى قۇجاتتار ۇسىنىلدى.
«اوسشك-نىڭ ترانسفورماسياسىنا قاتىستى قۇجاتتاردى قابىلداۋ تۇرعىسىندا قانداي دا ءبىر قارسىلىق بار ما؟ قارسىلىق جوق. وندا اوسشك-نىڭ ترانسفورماسياسى تۋرالى استانا مالىمدەمەسى قابىلداندى دەپ سانالادى»، - دەدى قازاقستان پرەزيدەنتى قاسىم-جومارت توقايەۆ سامميت بارىسىندا.
قابىلدانعان كەلەسى قۇجات قاۋىپسىزدىك جانە اقپاراتتىق-كوممۋنيكاسيالىق تەحنولوگيالاردى پايدالانۋ سالاسىنداعى ىنتىماقتاستىق تۋرالى اوسشك كوشباسشىلارى مالىمدەمەسىنىڭ جوباسى بولدى.
وسى ورايدا قازاقستان پرەزيدەنتى اقپاراتتىق-كوممۋنيكاسيالىق تەحنولوگيالاردى پايدالانۋدا ەلدەر اراسىنداعى ىنتىماقتاستىقتى كەڭەيتۋ مەن قاۋىپسىزدىكتى قامتاماسىز ەتۋ قادامدارىنا ەرەكشە نازار اۋدارىلاتىنىن ايتتى.
مۇنىمەن قوسا، سامميت بارىسىندا اوسشك قورىن قۇرۋعا قاتىستى قۇجات قابىلداندى.
بۇل تۇرعىدا قازاقستان پرەزيدەنتى اوسشك قورى قۇجاتىنىڭ بەكىتىلۋى مەن اوسشك جوبالارىن انىقتاۋ مەن ىسكە اسىرۋدىڭ ارنايى تەتىگىنىڭ ايقىندالۋىنا وراي ءوز قۇتتىقتاۋىن جەتكىزدى.
بۇدان بولەك، بۇۇ ءقاۋىپسىزدىڭ كەڭەسىنىڭ تەرروريزمگە قارسى رەزوليۋسياسىن جۇزەگە اسىرۋ ءۇشىن اوسشك-نىڭ ءىس-قيمىل جوسپارى قابىلداندى.