شيرەك فينالدا امەريكالىق ارىپتەسىمەن كەزدەسەدى.
قازاقستاندىق تەننيسشى، الەمنىڭ 43-راكەتكاسى الەكساندر بۋبليك فلورەنسيادا (يتاليا) ءوتىپ جاتقان ATP 250 ءتۋرنيردىڭ ەكىنشى اينالىمىندا فرانسيالىق كورەنتين موۋتەنى (69-ورىن ATP) جەڭدى، دەپ حابارلايدى Almaty-akshamy.kz.
1 ساعات 26 مينۋتقا سوزىلعان كەزدەسۋ 7:5، 6:4 ەسەبىمەن اياقتالدى. شيرەك فينالدا الەكساندر امەريكالىق دجون ۆولفپەن كەزدەسەدى.
ەسكە سالساق، قازاقستاننىڭ ءبىرىنشى راكەتكاسى الەكساندر بۋبليك ءبىرىنشى اينالىمداعى كەزدەسۋدە چيلي وكىلى كريستيان گاريندى 7-5، 6-2 ەسەبىمەن ۇتقان ەدى.