ءقازىر جوبا اياقتالىپ، قۇرىلىسى ءجۇرىپ جاتىر.
الماتىدا قۇرىلىسى ءجۇرىپ جاتقان «قالقامان» ستانسياسى ماڭىندا 2 مىڭ كولىككە ارنالعان تۇراق پايدا بولادى، دەپ حابارلايدى Almaty-akshamy.kz.
اۋەزوۆ اۋدانىنىڭ ءتۇرعىنى قالا اكىمى ەربولات دوسايەۆتان: "اباي – ياسساۋي كوشەلەرىنىڭ قيىلىسىنداعى مەترو ستانسياسى ماڭىندا اۆتوتۇراق نەگە جوق؟" - دەپ سۇرادى.
«مەترو ستانسياسى سالىندى، ءبىراق كولىكتەرگە ارنالعان تۇراق اشپادى. ادامدار قالادان كەلەدى، كولىكتەرىن جاقىن ماڭداعى كوشەلەرگە قالدىرادى. ولاردىڭ تولىپ كەتكەنى سونشا، ول جەرگە "جەدەل جاردەم"، قوقىس تاسيتىن كولىكتەر بارا المايدى»،- دەدى اۋەزوۆ اۋدانىنىڭ تۇرعىنى.
تۇرعىننىڭ ساۋالىنا الماتى قالالىق موبيلدىلىك باسقارماسىنىڭ باسشىسى عاني مىرزاحانوۆ جاۋاپ بەردى.
«باۋىرجان مومىش ۇلى» مەترو ستانسياسىنىڭ ماڭىندا اۆتوتۇراق سالاتىن جەر جوق. ءاشىموۆ-اباي كوشەلەرى دەڭگەيىندە سالىنىپ جاتقان «قالقامان» ستانسياسىنىڭ جانىنان 2000 كولىككە ارنالعان تۇراق سالۋ جوسپاردا بار. ءقازىر جوبا اياقتالىپ، قۇرىلىسى ءجۇرىپ جاتىر»،- دەدى باسقارما باسشىسى.
الماتى اكىمى عاني مىرزاحانوۆقا پوليسيا دەپارتامەنتىمەن بىرگە اتالعان مەكەنجايعا بارىپ، ستانسيا ماڭىنداعى كولىك قوزعالىسىن قاراۋدى تاپسىردى.