اوسشك اعا لاۋازىمدى تۇلعالارى كوميتەتىنىڭ وتىرىسى ءوتتى
2021 جىلعى 21-23 ماۋسىم ارالىعىندا قازاقستاندىق ءتوراعالىقتىڭ باستاماسى بويىنشا ازياداعى ءوزارا ءىس-قيمىل جانە سەنىم شارالارى جونىندەگى كەڭەستىڭ (اوسشك) ارنايى جۇمىس توبى (اجت) مەن اعا لاۋازىمدى تۇلعالار كوميتەتىنىڭ (التك) كەزەكتى وتىرىستارى ءوتتى، دەپ حابارلادى Almaty-akshamy.kz ق ر سىرتقى ىستەر مينيسترلىگىنىڭ باسپا ءسوز قىزمەتى تاراتقان حابارعا سىلتەمە جاساپ.
اجت جانە التك وتىرىستارىندا كەڭەستىڭ ودان ءارى ينستيتۋسيونالدىق دامىتۋ، سەنىم شارالارىنىڭ كاتالوگىن ءىس جۇزىندە ىسكە اسىرۋ، قۇقىقتىق بازاسىن جەتىلدىرۋ، اوسشك سەنىم شارالارىن جۇزەگە اسىرۋ جونىندەگى ءىس-شارالاردى وتكىزۋ قاعيداتتارى ماسەلەلەرى تالقىلاندى. سونداي-اق ازيانىڭ الەمدەگى جاڭا ءرولى، جاھاندىق جانە وڭىرلىك ۇردىستەر، اوسشك ودان ءارى دامۋ پەرسپەكتيۆالارى تۋرالى پىكىر الماسىلدى.
التك ءتوراعاسى - قازاقستان سىرتقى ىستەر ءمينيسترىنىڭ ءبىرىنشى ورىنباسارى شاحرات نۇرىشيەۆ ءوز سوزىندە اوسشك قىزمەتىنىڭ ايتارلىقتاي جاندانعانى بايقالاتىنىن قاناعاتتانۋشىلىقپەن ايتىپ كەتتى. اتاپ ايتقاندا، ول اوسشك ىسكەرلىك كەڭەسى مەن جاستار كەڭەسى باسقارماسىنىڭ وتىرىستارىنىڭ، ەكونوميكالىق جانە ەكولوگيالىق ولشەمدەر شەڭبەرىندەگى ءبىرقاتار ءىس-شارالاردىڭ، سونداي-اق ەپيدەميولوگيالىق قاۋىپسىزدىك سالاسىنداعى كونفەرەنسيانى قوسا العاندا، جاڭا سىن-قاتەرلەر مەن قاۋىپتەرگە قارسى كۇرەس سالاسىنداعى ءبىرقاتار ءىس-شارالاردىڭ ءساتتى وتكىزىلگەنىن ايتتى.
التك وتىرىسى بارىسىندا تۇرىكمەنستانعا اوسشك باقىلاۋشى مارتەبەسىن بەرۋ تۋرالى شەشىم قابىلداندى.
سونىمەن قاتار، ءىس-شارا بارىسىندا بۇۇ باس حاتشىسىنىڭ ورىنباسارى - تەرروريزمگە قارسى كۇرەس باسقارماسىنىڭ باسشىسى ۆلاديمير ۆورونكوۆتىڭ كەڭەس شەڭبەرىندە تالقىلانىپ وتىرعان بۇۇ-نىڭ جاھاندىق كونترتەرروريستىك ستراتەگياسىن ىسكە اسىرۋ جونىندەگى اوسشك ءىس-قيمىل جوسپارىنىڭ ماڭىزدىلىعى تۋرالى بەينەۇندەۋ جاسادى.
التك وتىرىسىنىڭ قورىتىندىسى بويىنشا، 2021 جىلعى قازاندا وتەتىن اوسشك 6-شى مينيسترلىك كەزدەسۋى بارىسىندا بەكىتۋ ءۇشىن اوسشك دانالار كەڭەسى تۋرالى ەرەجە جوباسى كەلىسىلدى. بۇدان باسقا، التك كەلەسى سەنىم شارالارىندا قوسا ۇيلەستىرۋشىلەردى بەكىتتى: ەپيدەميولوگيالىق قاۋىپسىزدىك، قوعامدىق دەنساۋلىقتى ساقتاۋ جانە فارماسيەۆتيكا (جۇڭگو جانە يوردانيا)، كولىك دالىزدەرىنىڭ ءقاۋىپسىز جانە ءتيىمدى جۇيەلەرىنىڭ دامۋى (جۇڭگو)، زالال اپاتتاردى باسقارۋ (بانگلادەش) جانە ادامي ولشەمى (جۇڭگو).
