Nur Otan فراكسياسى cايلاۋالدى باعدارلامانىڭ ورىندالۋىن باقىلاۋدا
ءماجىلىس ءتوراعاسى، Nur Otan پارتياسى فراكسياسىنىڭ جەتەكشىسى نۇرلان نىعماتۋلين پارلامەنت ماجىلىسىندەگى Nur Otan پارتياسى فراكسياسىنىڭ جينالىسىن وتكىزدى، دەپ حابارلادى Almaty-akshamy.kz. Parlam.kz. سايتىندا جاريالانعان حابارعا سىلتەمە جاساپ.
وتىرىستا دەپۋتاتتاردىڭ جازعى كەزەڭدە وڭىرلەرگە شىعۋى مەن Nur Otan پارتياسىنىڭ 2025 جىلعا دەيىنگى «وزگەرىستەر جولى: ءار ازاماتقا لايىقتى ءومىر!» اتتى سايلاۋالدى باعدارلاماسىن ورىنداۋدىڭ جول كارتاسىن ىسكە اسىرۋ جايى تالقىلاندى. نۇرلان نىعماتۋلين اتاپ وتكەندەي، ەلباسى، پارتيا ءتوراعاسى نۇرسۇلتان نازاربايەۆ ءاربىر جەكەلەگەن ءوڭىردىڭ پروبلەمالارىن شەشۋمەن جۇيەلى تۇردە اينالىسۋدى، بارلىق الەۋمەتتىك توپتارمەن كەرى بايلانىستى نىعايتۋعا، وزەكتى ماسەلەلەرگە جىلدام كوڭىل ءبولىپ، شەشۋ جولدارىن ۇسىنۋ تۋرالى ناقتى تاپسىرما بەرگەن بولاتىن. ونىڭ ورىندالۋىن قامتاماسىز ەتۋ ءۇشىن دەپۋتاتتار ءاربىر وڭىرلەر بويىنشا بەكىتىلىپ، ۇيلەستىرۋشى توپتار قۇرىلدى. سونىمەن قاتار ءماجىلىس ءتوراعاسى ايماقتارعا ساپار بارىسىندا قالالار مەن اۋداندار، حالىقتىڭ بارلىق الەۋمەتتىك توپتاردى، شالعايداعى ەلدى مەكەندەردىڭ بارىنشا قامتىلۋى قاجەتتىگىنە توقتالدى. سونداي-اق، پالاتا سپيكەرى پارتيانىڭ «جول كارتاسى» باعدارلاماسىنىڭ مۇقيات ورىندالۋىنا نازار اۋدارىپ، ورىندالۋ بارىسىندا كۇردەلىلىك تۋدىرعان ماسەلەلەردى دەپۋتاتتىق ساۋالدار مەن پارتيانىڭ قوعامدىق كەڭەستەرىنىڭ وتىرىستارىندا جانە پالاتا كوميتەتتەرىنىڭ ءىس-شارالارىندا كوتەرۋدى تاپسىردى.
