الەۋمەتتىك جەلىدە تارتىپسىزدىكتەرگە قاتىسقان بەلسەندىلەردىڭ ءوز جاعىنا شىعۋعا ۇگىتتەگەنىمەن، ۇلتتىق ۇلان قىزمەتشىسىنىڭ وعان كونبەي، مىندەتىن اتقارا بەرگەندىگى تۋرالى بەينەجازبا تاراپ كەتكەن. جۇرتتى ءتانتى ەتكەن بۇل اسكەري - ق ر ۇلتتىق ۇلانى «باتىس» وڭىرلىك قولباسشىلىعى 6655-اسكەري بولىمىندە لەيتەنانت ۇلان مىرزاباي، دەپ حابارلايدى Almaty-akshamy.kz قازاقپاراتقا سىلتەمە جاساپ.
«باتىس» وڭىرلىك قولباسشىلىعى باسپا ءسوز قىزمەتىنىڭ جەتەكشىسى، پودپولكوۆنيك ەربولات سۇلتانوۆ ءمالىم ەتكەندەي، ۇ.مىرزابايعا قاتىستى وقيعا اقتوبە قالاسىندا بولدى.
الەۋمەتتىك جەلىدە تاراپ كەتكەن ب ەينەجازبانى 190 مىڭعا جۋىق ادام قاراپ، 700-دەيى اسكەري قىزمەتشىنى قولداپ، پىكىر جازعان.
انىقتالعانىنداي، بەينەجازبا 5 قاڭتار كۇنى اقتوبەدە تۇسىرىلگەن بولىپ شىقتى.
الماتى وبلىسى قاپشاعاي قالاسىنىڭ تۋماسى ۇلان مىرزاباي ۇلتتىق ۇلاندا 2017 جىلدان قىزمەت ەتىپ كەلەدى ەكەن.
سول كۇنى ولار زاڭسىز ميتينگى كەزىندە اقتوبە وبلىسى اكىمدىگى الدىنداعى الاڭدا الدىڭعى شەپتە تۇرعان.
ۇ.مىرزابايدىڭ سوزىنە قاراعاندا، باستاپقىدا ءبارى تىنىش بولعان. بۇلار ميتينگىگە قاتىسۋشىلاردىڭ ءوز تالاپ-تىلەكتەرىن بىلدىرۋىنە قارسىلىق ەتپەگەن، قايتا قورعاپ تۇرعان. الايدا كەيبىرەۋلەرى ءتارتىپ بۇزا باستاعان.
«قولدارىندا تاس، تاياق، ارماتۋرا جانە مولوتوۆ كوكتەيلى بولدى. الدىڭعى شەپتە تۇرعان ماعان بىرنەشەۋى جاقىنداپ كەلىپ، ۆيدەوعا ءتۇسىرىپ، مەنى ءوز جاقتارىنا شىعۋعا ۇگىتتەدى. ءبىراق مەن بۇيرىقتىڭ اتى بۇيرىق ەكەندىگىن ايتىپ، اسكەري انتىما ادالدىقتان اينىعانىم جوق. ەلىمىز بىزگە سەندى. سول سەنىمنەن شىعۋدان، وتاندى قورعاۋدان ارتىق ابىروي جوق»، - دەدى ۇلان مىرزاباي.