كەشە الماتىدا اقتىق ساپارعا شىعارىپ سالعان اسكەري قىزمەتشىنى وردەنمەن ماراپاتتاۋ تۋرالى پرەزيدەنت جارلىق بەردى.
ق ر پرەزيدەنتى قاسىم-جومارت توقايەۆتىڭ جارلىعىمەن قورعانىس مينيسترلىگى 32363 اسكەري ءبولىمى كومانديرىنىڭ ورىنباسارى (مارقۇم) ساندىبەك قايىروۆ ءىى دارەجەلى «ايبىن» وردەنىمەن ماراپاتتالدى، دەپ حابارلايدى Almaty-akshamy.kz اقوردانىڭ رەسمي سايتىنا سىلتەمە جاساپ.
«اسكەري بورىشىن اتقارۋ ۇستىندە كورسەتكەن باتىلدىعى مەن جانقيارلىعى، سونداي-اق مەملەكەت مۇددەسىن قورعاۋ كەزىندە جاساعان ەرلىگى ءۇشىن قازاقستان رەسپۋبليكاسىنىڭ قورعانىس مينيسترلىگى 32363 اسكەري ءبولىمى كومانديرىنىڭ ورىنباسارى (جاۋىنگەرلىك دايارلىق جونىندەگى) ساندىبەك عاليموللا ۇلى قايىروۆ ءىى دارەجەلى «ايبىن» وردەنىمەن ناگرادتالسىن (مارقۇم)»، - دەلىنگەن جارلىقتا.