سىبايلاس جەمقورلىققا قارسى ءىس-قيمىل اگەنتتىگى كاسىپكەرلەر قۇقىعىن قورعاۋعا باعىتتالعان «بيزنەسكە جول» جوباسىن ىسكە قوستى، دەپ حابارلايدى Almaty-akshamy.kz قازاقپاراتقا سىلتەمە جاساپ.
جوبانىڭ ماقساتى – كاسىپكەرلەرگە قۇجاتتاردى رەسىمدەۋ كەزىندە اكىمشىلىك كەدەرگىلەردى، اۋرە-سارساڭدى ەڭسەرۋگە كومەكتەسۋ، مەملەكەتتىك قىزمەتشىلەر قابىلدايتىن شەشىمدەردىڭ مەرزىمى مەن اشىقتىعىن ساقتاۋدى قامتاماسىز ەتۋ.
«كاسىپكەرلەر جەردى رەسىمدەۋ، ساۋلەت جانە باسقا دا باقىلاۋشى ورگانداردان رۇقسات الۋ، كوممۋنيكاسيالاردى قوسۋ، سونداي-اق ءتۇرلى مەملەكەتتىك قولداۋ شارالارىن (كرەديتتەر، گرانتتار، سۋبسيديالار) الۋ كەزىندە كەزدەسەتىن ناقتى پروبلەمالاردى شەشۋمەن اينالىساتىن بولامىز»، - دەلىنگەن سىبايلاس جەمقورلىققا قارسى ءىس-قيمىل اگەنتتىگىنىڭ حابارلاماسىندا.
ءمالىم ەتىلگەندەي، ءقازىر وڭىرلەردە بيزنەستەن ءوتىنىش قابىلداۋ ءۇشىن ارنايى الاڭدار مەن بايلانىس ارناسى جۇمىس ىستەپ جاتىر.
اۋماقتىق دەپارتامەنتتەردىڭ باسشىلارى Facebook پاراقشالارىندا حابارلامالار قابىلداۋدا.
سونداي-اق انتيكوردىڭ Call-ورتالىعىنا 1424 ءنومىرى بويىنشا حابارلاسۋعا بولادى.