انتيكور ىزدەۋدە جۇرگەن ازاماتتى ۇستادى
تەرگەۋ ءجۇرىپ جاتىر.
سىبايلاس جەمقورلىققا قارسى قىزمەت 2023 جىلدان بەرى ىزدەۋدە جۇرگەن «ۋ» ەسىمدى ازاماتتى ۇستاپ، الماتى قالاسى پوليسيا دەپارتامەنتىنىڭ ۋاقىتشا ۇستاۋ يزولياتورىنا قامادى، دەپ حابارلايدى Almaty-akshamy.kz
قولعا تۇسكەن ازامات بۇرىن سوت ۇكىمىمەن تاركىلەنگەن ءۇش ءۇي مەن ەكى پاتەر تۇرىندەگى مەملەكەتتىك مۇلىكتى جىمقىردى دەگەن كۇدىككە ىلىنگەن.
ونىڭ الماتى قالاسى بويىنشا اكىمدىك پەن ۇقكد لاۋازىمدى ادامدارىنىڭ قاتىسۋىمەن باقىلاۋداعى ادامدارعا جالعان تومەن باعامەن جانە بەلگىلەنگەن ساۋدا-ساتتىقسىز جىلجىمايتىن مۇلىكتى ساتۋ جولىمەن الاياقتىق جاساعان.
وسى جىلدىڭ 14 ماۋسىم كۇنى بىشكەك قالاسىندا «ۋ» ۇستالعاننان كەيىن ول قىرعىز رەسپۋبليكاسى ءىىم قىزمەتكەرلەرىنە جەڭىلدەتىلگەن راسىمدەر بويىنشا ءوز ەركىمەن وتانىنا ورالۋعا دايىن ەكەنىن حابارلادى.
سول كۇنى الماتى قالاسى پروكۋراتۋراسىنىڭ ۇيلەستىرۋىمەن سىبايلاس جەمقورلىققا قارسى قىزمەت قىزمەتكەرلەرىنىڭ سۇيەمەلدەۋىمەن ازامات «ۋ» قىرعىز رەسپۋبليكاسىنىڭ شەكاراسىنان ءوتىپ، الماتى قالاسىنا جەتكىزىلدى.