ق ر مادەنيەت جانە اقپارات مينيسترلىگى سوڭعى ۋاقىتتا مينيستر ايدا بالايەۆانىڭ اتىنان مادەنيەت قايراتكەرلەرىنە ءتۇرلى ماسەلەلەر بويىنشا حابارلامالار كەلىپ تۇسكەن جاعدايلار جيىلەپ كەتكەنىن ەسكەرتەدى، دەپ حابارلايدى Almaty-akshamy.kz
"مۇنداي حابارلامالار الاياقتاردىڭ ءىسى ەكەنىن مالىمدەيمىز. ايدا بالايەۆا مەن ق ر مادەنيەت جانە اقپارات مينيسترلىگى مۇنداي حابارلامالاردى ەلەكتروندىق پوشتا، الەۋمەتتىك جەلىلەر، مەسسەندجەرلەر جانە باسقا دا بايلانىس ارنالارى ارقىلى جىبەرمەيدى. سىزدەردەن اباي بولۋدى جانە حاتقا جاۋاپ بەرمەۋدى سۇرايمىز"، دەلىنگەن ق ر مادەنيەت جانە اقپارات مينيسترلىگىنىڭ باسپا ءسوز قىزمەتى تاراتقان اقپاراتتا.
مۇنداي حابارلامالار العان جاعدايدا تومەندەگىدەي ارەكەت ەتۋ ۇسىنىلادى:
كەلگەن حاتتى ەلەمەۋ، حاتقا جاۋاپ بەرمەۋ.
الاياقتىق فاكتىسى تۋرالى قۇقىق قورعاۋ ورگاندارىنا حابارلاۋ.
ايتا كەتسەك، 17 ماۋسىمدا مەملەكەتتىك قىزمەت ىستەرى اگەنتتىگى Telegram جانە WhatsApp مەسسەندجەرلەرىندە ۆەدومستۆو ءتوراعاسى دارحان جازىقبايدىڭ اتىنان جالعان اككاۋنتتار اشىپ، حابارلاما تاراتىپ جاتقان الاياقتار بارىن ەسكەرتكەن بولاتىن.