112 لاۋازىمدى تۇلعا اشكەرەلەندى.
سىبايلاس جەمقورلىققا قارسى ءىس-قيمىل اگەنتتىگى مەملەكەتتىك قىزمەتشىلەر تاراپىنان بيزنەستىڭ جۇمىسىنا زاڭسىز ارالاسۋ جانە بيزنەسكە قىسىم جاساۋ فاكتىلەرىن انىقتاۋ بويىنشا جۇيەلى جۇمىس جۇرگىزۋدە، دەپ حابارلايدى Almaty-akshamy.kz Inbusiness.kz سىلتەمە جاساپ.
بۇل تۋرالى سىبايلاس جەمقورلىققا قارسى ءىس-قيمىل اگەنتتىگىندە اگەنتتىك ءتوراعاسىنىڭ ورىنباسارى اسحات جۇماعاليدىڭ باسشىلىعىمەن سىبايلاس جەمقورلىققا قارسى قىزمەت جۇمىس توبىنىڭ جانە "اتامەكەن" ۇلتتىق پالاتاسىنىڭ كەزەكتى كەڭەيتىلگەن وتىرىسى بارىسىندا بەلگىلى بولدى.
"جىل باسىنان بەرى وسىنداي 72 فاكت انىقتالدى، ولار بويىنشا 165 سوتقا دەيىنگى تەرگەۋ باستالدى، 112 لاۋازىمدى تۇلعا اشكەرەلەندى، ونىڭ 65ء-ى سوتتالدى. زاڭسىز ارەكەتتەردىڭ كوپشىلىگى پارا الۋمەن بايلانىستى، سونىڭ ىشىندە ورىندالعان جۇمىستاردىڭ اكتىلەرىنە قول قويۋ، رۇقسات قۇجاتتارىن بەرۋ جانە باسقالارى جاتادى. ولاردىڭ جالپى قۇرىلىمداعى ۇلەس سالماعى 80% قۇرادى"،- اگەنتتىكتىڭ باسپا ءسوز قىزمەتىنىڭ حابارلاماسىندا.
سىبايلاس جەمقورلىققا قارسى قىزمەتتىڭ تەرگەۋشىلەرى جوعارىدا كورسەتىلگەن بارلىق فاكتىلەر بويىنشا مەملەكەتتىك ورگاندار باسشىلىعىنىڭ اتىنا سىبايلاس جەمقورلىق قىلمىستار جاساۋعا ىقپال ەتكەن ءمان-جايلاردى جويۋ جونىندە ۇسىنىستار ەنگىزدى.
سونداي-اق، كەڭەس بارىسىندا 2022-2026 جىلدارعا ارنالعان سىبايلاس جەمقورلىققا قارسى ساياسات تۇجىرىمداماسىن ىسكە اسىرۋ جونىندەگى ءىس-شارالار جوسپارىنىڭ ورىندالۋ بارىسى تالقىلاندى.
"اتاپ ايتقاندا، سىبايلاس جەمقورلىققا قارسى ستاندارتتاردى ەنگىزگەن جانە قولدايتىن جەكە كاسىپكەرلىك سۋبەكتىلەرى ءۇشىن مەملەكەتتىك ساتىپ الۋ كەزىندە جەڭىلدىكتەر، پرەفەرەنسيالار، شارتتى جەڭىلدىكتەر جانە باسقا دا قولداۋ شارالارىن ەنگىزۋ ماسەلەسى قارالدى (ءىس-شارالار جوسپارىنىڭ 15-تارماعى)"، - دەلىنگەن اقپاراتتا.
كەڭەس قورىتىندىسى بويىنشا 2022-2026 جىلدارعا ارنالعان سىبايلاس جەمقورلىققا قارسى ساياسات تۇجىرىمداماسىن ىسكە اسىرۋ جونىندەگى ءىس-شارالار جوسپارىن ورىنداۋ بويىنشا ناقتى ۇسىنىستار ازىرلەندى.