بۇگىنگى كۇنى ونىڭ 24ء-ى مەنشىك يەسىنەن ساتىپ الىندى.
الماتى قالاسىنىڭ جەر قاتىناستارى باسقارماسى مەترو ستانساسىن سالۋ ماقساتىندا مەملەكەت مۇقتاجىنا 92 جەر تەلىمى يەلىكتەن شىعارۋعا جاتاتىنىن ءمالىم ەتتى، دەپ حابارلايدى Almaty-akshamy.kz قازاقپاراتقا سىلتەمە جاساپ.
بۇگىنگى كۇنى ونىڭ 24ء-ى مەنشىك يەسىنەن ساتىپ الىندى. قالعان 68ء-ى بويىنشا جۇمىس جۇرگىزىلىپ جاتىر.
الماتى قالاسى اكىمدىگىنىڭ 2021 جىلعى 10 جەلتوقسانداعى قاۋلىسىمەن «مەتروپوليتەن» شجق مكك مەترونىڭ ءۇشىنشى كەشەنىنىڭ ىسكە قوسۋ قۇرىلىسىنىڭ جاڭا جوباسىن ازىرلەدى.
ول ياسساۋي كوشەسىنەن باتىس باعىتتا اباي داڭعىلىنىڭ بويىمەن «بارلىق» بازارىنا دەيىن بارادى.
قازىرگى تاڭدا اتالعان جوبا بويىنشا 60 جەر ۋچاسكەسىندە «مەملەكەت مۇقتاجىنا الۋعا بايلانىستى جەر ۋچاسكەلەرىن نەمەسە وزگە دە جىلجىمايتىن مۇلىكتى ماجبۇرلەپ يەلىكتەن شىعارۋدى باستاۋ تۋرالى» قاۋلى قابىلداندى.
«مەملەكەتتىك مۇلىك تۋرالى» قازاقستان رەسپۋبليكاسى زاڭىنىڭ 67-بابىنا سايكەس، جەكە سەكتوردىڭ جەر تەلىمدەرىن ساتىپ الۋعا جوسپارلانعان بيۋدجەت قاراجاتىنىڭ كولەمى باعالاۋ ناتيجەسىندە جاسالعان تاۋەلسىز باعالاۋشى كومپانيالاردىڭ ەسەبى نەگىزىندە ايقىندالادى»، - دەپ اتاپ ءوتتى ۆەدومستۆودان.
بۇعان دەيىن الماتى اكىمدىگى 2023 جىلى «قالقامان» جاڭا مەترو ستانساسىن سالۋ جانە بىرنەشە كوشە مەن داڭعىلدى ۇزارتۋ ءۇشىن جەر تەلىمدەرىن ساتىپ الۋدى اياقتايتىنىن ايتقان بولاتىن.