ءقازىر 3 063 ايەل جۇكتى.
بيىل «اڭساعان ءسابي» باعدارلاماسىنىڭ ارقاسىندا 1 307 بالا دۇنيەگە كەلدى. بۇل تۋرالى ورتالىق كوممۋنيكاسيالار قىزمەتىندە وتكەن باسپا ءسوز ءماسليحاتىندا دەنساۋلىق ساقتاۋ ءمينيسترى اجار عينيات ايتتى، دەپ حابارلادى Almaty-akshamy.kz Turkystan.kz سىلتەمە جاساپ.
«2021 جىلدان باستاپ پرەزيدەنت تاپسىرماسى بويىنشا «اڭساعان ءسابي» باعدارلاماسى ىسكە قوسىلدى. وندا 2026 جىلعا دەيىن ەكستراكورپورالدى ۇرىقتاندىرۋعا جىل سايىن 7000 كۆوتا ءبولۋ كوزدەلگەن. وسى جىلدىڭ ءساۋىر ايىنداعى جاعداي بويىنشا ەكۇ ارقىلى 1 307 بالا دۇنيەگە كەلدى. ءقازىر 3 063 ايەل جۇكتى، ول 43 پايىزدى قۇرايدى»، – دەدى اجار عينيات.