بۇزۋشىلىقتار انىقتالعان جاعدايدا شارالار قابىلداناتىن بولادى.
الماتىدا الەۋمەتتىك ماڭىزى بار ازىق-تۇلىك تاۋارلارىنىڭ باعاسىنا ارنايى كوميسسيا تەكسەرىس جۇرگىزەدى، دەپ حابارلايدى Almaty-akshamy.kz قازاقپاراتقا سىلتەمە جاساپ.
ساۋالىنا الماتى قالاسىنىڭ كاسىپكەرلىك جانە ينۆەستيسيالار باسقارماسىنىڭ مالىمەتى بويىنشا الماتى قالاسىنىڭ ازىق-تۇلىك دۇكەندەرى مەن بازارلارىنداعى، ءۇي جانىنداعى دۇكەندەرگە الەۋمەتتىك ماڭىزى بار ازىق-تۇلىك تاۋارلارىنا قويۋعا رۇقسات ەتىلگەن 15% ساۋدالىق ۇستەمە باعانى ساقتاۋ مانىنە تەكسەرۋ جۇرگىزىلەدى.
كوشپەلى كوميسسيا قۇرامىنا اۋدان اكىمدىگىنىڭ، الماتى قالاسى كاسىپكەرلىك جانە ينۆەستيسيالار باسقارماسى، ساۋدا دەپارتامەنتتەرى، مەملەكەتتىك كىرىستەر باسقارماسى، سانيتاريالىق-ەپيدەميولوگيالىق باقىلاۋ باسقارماسى، باسەكەلەستىكتى قورعاۋ جانە دامىتۋ باسقارماسى، قالالىق پروكۋراتۋرانىڭ كەلىسىمى بويىنشا توتەنشە جاعدايلار باسقارماسىنىڭ وكىلدەرى كىرەدى.
رەيدتىك ءىس-شارالارعا 26 امبەباپ بازارى مەن الماتى قالاسىنداعى 3 600 «ءۇي جانىنداعى» دۇكەندەر قامتىلادى.
تەكسەرىس بارىسىندا كاسىپكەرلەرگە الەۋمەتتىك ماڭىزى بار ازىق-تۇلىك تاۋارلارىنىڭ باعاسى 15%-دان اسسا جانە رۇقسات ەتىلگەن شەكتى بولشەك ساۋدا باعالارىن (ولاردىڭ بەلگىلەنگەن باعاسىنا قاراي) كوتەرگەندەگى جاۋاپكەرشىلىك تۋرالى حابارلامالار بەرىلەدى.
«ەگەر بۇزۋشىلىقتار انىقتالعان جاعدايدا، ق ر «اكىمشىلىك قۇقىق بۇزۋشىلىقتار تۋرالى» كودەكسىنىڭ 204-4 بابىنا سايكەس، شارالار قابىلداناتىن بولادى. اتاپ ايتقاندا، ساۋدالىق ۇستەمە باعانى كوتەرگەنى ءۇشىن كاسىپكەرگە ءبىرىنشى جولى ەسكەرتۋ بەرىلەدى، بۇزۋشىلىق قايتالانسا، 10 ايلىق ەسەپتىك كورسەتكىشتەن 300 ايلىق ەسەپتىك كورسەتكىشكە دەيىنگى (30 630 تەڭگەدەن 918 900 تەڭگەگە دەيىن) مولشەردە ايىپپۇل سالىنادى.
بەلگىلەنگەن شەكتى باعانى ءبىرىنشى رەت كوتەرگەنى ءۇشىن 100 ايلىق ەسەپتىك كورسەتكىش مولشەرىندە (306 300 تەڭگە)، بۇزۋشىلىق قايتالانعان جاعدايدا، 200 ايلىق ەسەپتىك كورسەتكىش مولشەرىندە (612 600 تەڭگە) ايىپپۇل سالىنادى.
قولدانىستاعى ساۋدا زاڭناماسىن ساقتاۋ ماقساتىندا كاسىپكەرلەرگە بالامالى نۇسقا – قازاقستان رەسپۋبليكاسىنىڭ ءىرى ديستريبيۋتورلارى مەن وندىرۋشىلەرىنەن تىكەلەي كوتەرمە باعا بويىنشا باكالەيا ونىمدەرىنىڭ تىكەلەي جەتكىزىلىمى ۇسىنىلاتىن بولادى» دەلىنگەن حابارلامادا.
ەسكە سالايىق، بۇعان دەيىن الەۋمەتتىك ماڭىزى بار ازىق-تۇلىك پەن كومىر باعاسىن قاداعالايتىن جوبا مەن بيىل ازىق-تۇلىك تاۋارلارىن شىعاراتىن 33 ينۆەستيسيالىق جوبانىڭ ىسكە قوسىلاتىنىن حابارلاعان بولاتىنبىز.