الماتىدا «مۋزەي ءتۇنى» وتەدى

اۆتور Almaty-akshamy.kz
08:57، 18 مامىر 2022

سۋرەت: تengrinews.k

«مۋزەي ءتۇنى» اكسياسى – الماتىنىڭ مادەني ومىرىندەگى ماڭىزدى وقيعا.

قازىرگى ۋاقىتتا مادەني وقيعا الەمنىڭ 150-دەن استام ەلىندە وتكىزىلەدى، دەپ حابارلايدى Almaty-akshamy.kz الماتى ارناسىنا سىلتەمە جاساپ.

«مۋزەي ءتۇنى» اكسياسى – الماتىنىڭ مادەني ومىرىندەگى ماڭىزدى وقيعا. وسىعان بايلانىستى الماتى قالاسى مۋزەيلەر بىرلەستىگى «مۋزەي ءتۇنى» اكسياسى اياسىندا اۋقىمدى مادەني-ويىن-ساۋىق ءىس-شارالارىن وتكىزۋدى جوسپارلاپ وتىر.

«مۋزەي ءتۇنى» – بۇل حالىقارالىق مۋزەيلەر كۇنىنە وراي كوپتەگەن مادەني مەكەمەلەردىڭ قاتىسۋىمەن جىل سايىن ءداستۇرلى تۇردە ۇيىمداستىرىلاتىن اكسيا. مۇنداي مادەني ءىس-شارا كەڭ اۋديتوريانىڭ، ەڭ الدىمەن جاستاردىڭ مۋزەيگە دەگەن قىزىعۋشىلىعىن ارتتىرادى.

العاشقى «مۋزەي ءتۇنى» 1997 جىلى بەرليندە ءوتتى. يدەيا كورشى ەلدەردەن دە قولداۋ تاۋىپ، كەلەسى جىلى كوپتەگەن ەۋروپالىق مەملەكەتتىڭ مۋزەيلەرى اشىق ەسىك ءتۇنىن ۇيىمداستىردى. قازىرگى ۋاقىتتا مادەني وقيعا الەمنىڭ 150-دەن استام ەلىندە وتكىزىلەدى.

«مۋزەي ءتۇنى» اكسياسى – المانىنىڭ مادەني ومىرىندەگى ەلەۋلى وقيعا. سوندىقتان «الماتى قالاسىنىڭ مۋزەيلەر بىرلەستىگى» «مۋزەي ءتۇنى» اكسياسى اۋقىمدى مادەني شارالاردى وتكىزۋدى جوسپارلاۋدا.

بۇل مەرەكە قۇپياعا تولى، مۋزىكا مەن ەرەكشە كەزدەسۋلەرگە، ويىن-ساۋىقتىڭ بارلىق تۇرلەرىنە جانە جارقىن اسەرلەرگە تولى. ارينە، اكسيا-مۇراجايلاردى بىرىكتىرەتىن جانە ونەردى كورەرمەنگە جاقىنىراق ەتۋگە مۇمكىندىك بەرەتىن مادەني وقيعا.

اكسياعا «الماتى قالاسى مۋزەيلەر بىرلەستىگىنىڭ» جەتى مۋزەيى قاتىسادى: الماتى مۋزەيى، د.ا.قونايەۆ مۋزەيى، ن.تىلەندييەۆتىڭ مەموريالدىق مۋزەيى، س.مۇقانوۆ پەن ع.مۇسىرەپوۆتىڭ ادەبي-مەموريالدىق مۋزەي كەشەنى، ىقىلاس اتىنداعى حالىق مۋزىكالىق اسپاپتار مۋزەيى، مۋلتيمەديالىق ءداستۇرلى مۋزىكا ورتالىعى جانە ا.بايتۇرسىن ۇلى مۋزەي-ۇيى.

مۋزەي ءتۇنى اكسياسىندا كەلۋشىلەرگە «جاندى مۋزەي» ياعني ەكسپوزيسيالاردى تىرىلتۋگە نەگىزگى باسىمدىق بەرىلەدى. ەرىكتىلەر مەن مۋزەي قىزمەتكەرلەرى مۋزەيلەردە تاريحي تۇلعالاردى سومداپ، ءان شىرقاپ تەاترلاندىرىلعان كورىنىستەر قويادى. الماتى مۋزەيىنىڭ زالدارى تاريحي وقيعالاردى، سول ءداۋىردىڭ كيىمدەرى مەن تۇرمىس تىرشىلىگىن ينتەراكتيۆتى تۇردە كەلىشۋلەر نازارىنا ۇسىنادى. ديىرمەن تارتۋ، كەلى ءتۇيۋ، بالانى بەسىككە سالۋ ت.ب. داستۇرلەردى مۋزەيگە كەلۋشىلەر وزدەرى قاتىسا وتىرىپ جۇزەگە اسىرادى.

«جاندى مۋزەي» شەرۋى ەرەكشە بولادى، وندا ەرىكتىلەر مەن مۇراجاي قىزمەتكەرلەرى بىرلەستىكتىڭ مۇراجايلارى بويىنشا ءداۋىر مەن تاقىرىپقا سايكەس كوستيۋمدەردە تەاترلاندىرىلعان ەكسكۋرسيالار جۇرگىزەدى. الماتى مۋزەيىنىڭ زالدارىندا ءوز زامانىنىڭ تۇرمىسى مەن مادەنيەتىن كورسەتەتىن ءتۇرلى داۋىردەگى «ءتىرى»كەيىپكەرلەر بولادى. كەلۋشىلەر قول ديىرمەندەرىندە جۇمىس ىستەۋگە، «بەسىككە سالۋعا»، قازاق ءداستۇرىن جانە باسقا دا كوپتەگەن ينتەراكتيۆتى باعدارلامالارىن كورۋگە مۇمكىندىك الادى.

ىقىلاس اتىنداعى حالىق مۋزىكالىق اسپاپتار مۋزەيىندە ەكسكۋرسيالار جانە قوناقتارعا ارنالعان ويىن-ساۋىق باعدارلاماسى، سونداي-اق «عاسىرلار ءۇنى» گالا كونسەرتى، «ۇلت رۋحانياتىن جاساۋشىلار» ءفيلمىنىڭ كورسەتىلىمى ورىن الادى.

د.ا.قونايەۆ مۋزەيىندە د.ا.قونايەۆتىڭ تۋىستارىمەن ءبىر ۇستەلدە ءشاي ءىشىپ، ول تۋرالى قىزىقتى دەرەكتەرمەن بولىسۋگە مۇمكىندىك بەرەتىن «ديماش احمەت ۇلى تۋرالى اڭگىمەلەر...» كەزدەسۋ ساعاتى وتەدى.

ن.تىلەندييەۆتىڭ مەموريالدىق مۋزەيى الدىنداعى الاڭدا ن.تىلەندييەۆ اتىنداعى «وتىرار سازى» مەملەكەتتىك اكادەميالىق فولكلورلىق-ەتنوگرافيالىق وركەسترىنىڭ كونسەرتى، سونىمەن قاتار، مۋزەي زالدارى بويىنشا ەكسكۋرسيا، «اۋەندى تاپ» زياتكەرلىك ويىنى وتەدى.

س.مۇقانوۆ پەن ع.مۇسىرەپوۆتىڭ ادەبي-مەموريالدىق مۋزەي كەشەنىندە «امانگەلدى» العاشقى قازاق دىبىستىق ءفيلمى (لەنفيلم، 1938،رەجيسسەرى – م.ليەۆين، سەنارييى – ع.مۇسىرەپوۆ، ب.مايلين، ۆس.يۆانوۆ) جانە ع.مۇسىرەپوۆ پەن اكتريسا رايسا مۇحامەدياروۆانىڭ ماحابباتى جايلى «كلاسسيكتىڭ كەشىككەن ماحابباتى» («پوزدنيايا ليۋبوۆ كلاسسيكا») دەرەكتى فيلمدەرى كورسەتىلەدى.

احمەت بايتۇرسىن ۇلىنىڭ مۋزەي-ۇيىندە «ۇلى اعارتۋشى تۋرالى اڭگىمەلەر»، «ۇلت ۇستازى» ءفيلمىنىڭ اكتەرلىك قۇرامىمەن جانە ءتۇسىرىلىم توبىنىڭ مۇشەلەرىمەن كەزدەسۋ ۇيىمداستىرىلادى.

الماتى قالاسى مۋزەيلەر بىرلەستىگى «مۋزەي ءتۇنى» اكسياسى اياسىندا وتەتىن مادەني-ويىن-ساۋىق ءىس-شارالارىنىڭ باعدارلاماسى:

الماتى مۋزەيى