ءمامس 4 مىڭ رەپرودۋكتيۆتىك قىزمەتتى قارجىلاندىردى
بۇل تۋرالى دەنساۋلىق ساقتاۋ مينيسترلىگى ءمامس قىزمەتىن ۇيلەستىرۋ دەپارتامەنتىنىڭ ديرەكتورى گۇلجان شايحىبەكوۆا ورتالىق كوممۋنيكاسيالار قىزمەتىنىڭ الاڭىندا وتكەن باسپا ءسوز ءماسليحاتى بارىسىندا مالىمدەدى، دەپ حابارلايدى Almaty-akshamy.kz BAQ.KZ-كە سىلتەمە جاساپ.
«جۇيە ەنگىزىلگەن 2،5 جىل ىشىندە قارقىندى جۇمىس جۇرگىزىلىپ جاتىر. مەديسينانىڭ بارلىق پروبلەمالارىن مۇنداي ۋاقىتتىڭ ىشىندە شەشۋ مۇمكىن ەمەس. الايدا ءقازىر ءمامس قاراجاتى ەسەبىنەن ادامدار بۇرىن تەك اقىلى تۇردە عانا قولجەتىمدى بولعان مەديسينالىق قىزمەتتەرگە قول جەتكىزە الادى. «اڭساعان ءسابي» باعدارلاماسى بويىنشا 7 مىڭ ەكو پروسەدۋراسى جاسالدى»، - دەپ اتاپ ءوتتى ۆەدومستۆو وكىلى.
ايتۋىنشا، قور 4 مىڭ رەپرودۋكتيۆتىك قىزمەتتى قارجىلاندىرعان.
«ءمامس 4 مىڭ رەپرودۋكتيۆتىك قىزمەتتى قارجىلاندىردى. ءار جاسالعان ەكو باعدارلاماسىنىڭ ارتىندا دەنساۋلىق جاعدايى مەن پروسەدۋرانىڭ قىمباتتىلىعىنا سەبەپتى اتا-انا اتانۋ باقىتىن اڭساعان وتباسى تۇر»، - دەدى دەپارتامەنت باسشىسى.